Connect with us

បាល់ទាត់អន្តរជាតិ

ខ្សែបម្រើ Sergio Busquets ប្រកាស​ចូល​និវត្តន៍​ពី​ក្រុម​ជម្រើស​ជាតិ​អេស្ប៉ាញ

Published

on

ខ្សែបម្រើ​ឆ្នើម Sergio Busquets បាន​បញ្ជាក់​ថា គាត់​ចូល​និវត្តន៍​ពី​ក្រុម​ជម្រើស​ជាតិ​ហើយ បន្ទាប់​ពី​ចប់​ភារកិច្ច​នៅ World Cup ជាមួយ​អេស្ប៉ាញ។ កីឡាករ​វ័យ 34 ឆ្នាំ​រូបនេះ​បាន​ដើរតួ​ជា​កាពីតែន​ក្រុម​អេស្ប៉ាញ​នៅ World Cup 2022 ប៉ុន្តែ​ត្រូវ​បញ្ចប់​ដោយ​ការ​ខកចិត្ត​បន្ទាប់​ពី​ចាញ់​ម៉ារ៉ុក​នៅ​វគ្គ 16 ក្រុម​ចុងក្រោយ។

ទន្ទឹម​នឹង​នេះ​ដែរ​លោក Luis Enrique ក៏​បាន​ចាកចេញ​ពី​តំណែង​ជា​គ្រូ​បង្វឹក​ផង​ដែរ ដែល​វា​កើត​ឡើង​ប៉ុន្មាន​ថ្ងៃ​ក្រោយ​ពេល​ដែល​ក្រុម​ជម្រើស​ជាតិ​អេស្ប៉ាញ​ធ្លាក់​ចេញ​ពី World Cup។

ដំបូង​ឡើយ Sergio Busquets ត្រូវ​​បាន​​គេ​​ប្រាប់​ថា នឹង​បន្ត​លេងឲ្យ​ក្រុម​ជម្រើស​ជាតិ ខណៈ​ដែល​គាត់​នៅ​តែ​ជា​កីឡាករ​ដ៏​មាន​ឥទ្ធិពល​សម្រាប់ Barcelona ប៉ុន្តែ​ទី​បំផុត​ខ្សែ​បម្រើ​ដ៏​មាន​បទពិសោធន៍​រូប​នេះ​បាន​ប្រកាស​ចូល​និវត្តន៍​ពី​ជម្រើស​ជាតិ​ហើយ។ គាត់​បាន​សរសេរ​នៅ​លើ​គណនី Instagram របស់​គាត់​ថា៖ “ជំរាប​សួរ​អ្នក​ទាំង​អស់​គ្នា! ខ្ញុំ​ចង់​ប្រកាស​ថា​បន្ទាប់​ពី​ជិត 15 ឆ្នាំ និង 143 ប្រកួត ពេល​វេលា​បាន​មក​ដល់​ហើយ ដើម្បី​និយាយ​លា​ក្រុម​ជម្រើស​ជាតិ”។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២