Connect with us

បាល់ទាត់អន្តរជាតិ

Vincent Kompany ប្រាប់​ឈ្មោះ​កីឡាករ​ម្នាក់​ដែល​គាត់​ចង់​លេង​ជាមួយ​រវាង Messi និង Cristiano Ronaldo

Published

on

អតីត​វីរបុរស​របស់​ក្លឹប Manchester City លោក Vincent Kompany បាន​ជ្រើសរើស​កីឡាករ​ម្នាក់​ដែល​គាត់​ចង់​លេង​ជាមួយ​រវាង​ប្រធាន​ក្រុម​ជម្រើស​ជាតិ​ព័រទុយហ្គាល់ Cristiano Ronaldo និង​ប្រធាន​ក្រុម​អាហ្សង់ទីន Lionel Messi។

ថ្វី​ត្បិត​តែ Lionel Messi បាន​ឈ្នះ​ពាន​ជាមួយ​អាហ្សង់ទីន​ក្នុង​ព្រឹត្តិការណ៍ FIFA World Cup 2022 ដែល​ទើប​នឹង​បញ្ចប់​ទៅ​ក៏ដោយ ក៏​ការ​ជជែក​ដេញ​ដោល​រវាង​គាត់ និង Cristiano Ronaldo ហាក់​ដូច​ជា​មិន​ទាន់​បាន​បញ្ចប់​ឡើយ។

យ៉ាង​ណា​មិញ​កីឡាករ​ទាំង 2 រូប​នេះ គឺ​ជា​អ្នក​ដែល​ឈ្នះពាន Ballon d’Or ច្រើន​ជាង​គេ​បំផុត​នៅ​ក្នុង​ប្រវត្តិសាស្ត្រ​បាល់ទាត់។ ទន្ទឹម​នឹង​នេះ​ដែរ Vincent Kompany ដែល​ធ្លាប់​លេង​តំណែង​ជា​ខ្សែការពារ​កណ្ដាល ហើយ​បច្ចុប្បន្ន​ជា​គ្រូ​បង្វឹក​របស់​ក្លឹប Burnley បាន​បង្ហាញ​ពី​ជម្រើស​របស់​ខ្លួន​រវាង Lionel Messi និង Cristiano Ronaldo។

អតីត​កីឡាករ​របស់​ក្រុម​ជម្រើស​ជាតិ​បែលហ្ស៊ិក​រូប​នេះ​បាន​អះអាង​ថា ការ​ប្រឈម​មុខ​ជា​មួយ Lionel Messi ពិបាក​ជាង​ប្រឈម​មុខ​​ជាមួយ Cristiano Ronaldo ប៉ុន្តែ​គាត់​ចង់​លេង​ជាមួយ Cristiano Ronaldo ជាង។ Kompany បាន​និយាយ​ជាមួយ Sky Sports ថា៖ “អ្នក​ដែល​ពិបាក​ប្រឈម​មុខ​ជាមួយ​បំផុត​គឺ Lionel Messi ប៉ុន្តែ​ខ្ញុំ​ចង់​លេង​ជាមួយ Cristiano Ronaldo”។

ប្រភព: Dailypost NG

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២