បាល់ទាត់អន្តរជាតិ
Mbappe ចង់ឲ្យ Dembele ផ្ទេរទៅលេងនៅ Paris Saint-Germain ជាមួយគ្នា
ខ្សែប្រយុទ្ធឆ្នើម Kylian Mbappe របស់ក្លឹបយក្សបារាំង Paris Saint-Germain ត្រូវបានគេរាយការណ៍ថា កំពុងចង់ឲ្យក្លឹបរបស់ខ្លួន នាំយកខ្សែប្រយុទ្ធដែលជាមិត្តរួមក្រុមជម្រើសជាតិជាមួយគ្នា Ousmane Dembele របស់ Barcelona មកកាន់ទឹកដីបារាំង។
ដំបូងឡើយកីឡាករវ័យ 25 ឆ្នាំ Ousmane Dembele បានក្លាយជាកីឡាករដែលគ្មានតម្លៃខ្លួនកាលពីរដូវក្តៅកន្លងទៅ បន្ទាប់ពីបានផុតកុងត្រាជាមួយ Barcelona ប៉ុន្តែភ្លាមៗនោះគាត់បានយល់ព្រមបន្តកុងត្រាថ្មីរយៈពេល 2 ឆ្នាំនៅទឹកដី Camp Nou បន្តទៀត។
ជាថ្មីម្ដងទៀតពេលនេះ Ousmane Dembele បានឈានចូលដល់ 18 ខែចុងក្រោយនៃកុងត្រារបស់ខ្លួន ដែលគាត់អាចនឹងពិចារណាក្នុងការចាកចេញពី Barcelona ផងដែរ ស្របពេលជាមួយនឹងទីផ្សារដោះដូរកីឡាករនឹងបើកឡើងវិញនៅក្នុងខែនេះហើយ។ ថ្វីត្បិតតែទម្រង់លេងរបស់ Barcelona ហាក់ដូចជាល្អប្រសើរជាងមុនច្រើន ប៉ុន្តែពួកគេនៅតែមានកម្រិតដែលមិនទាន់អាចប្រកួតប្រជែងពានធំៗបាននៅឡើយទេ ដែលអាចជាហេតុធ្វើឲ្យកីឡាករមួយចំនួនគ្មានទំនុកចិត្ត និងរងចាំឱកាសល្អដើម្បីស្វែងរកក្លឹបថ្មីដែលមានគុណភាពល្អជាងនេះ។
យោងតាមគេហទំព័រ Fichajes របស់អេស្ប៉ាញបានឲ្យដឹងថា Mbappe និង Dembele បានបង្កើតទំនាក់ទំនងដ៏ល្អនៅក្នុងជំរុំហ្វឹកហាត់សម្រាប់ក្រុមជម្រើសជាតិបារាំង ហើយកីឡាករដែលមានឥទ្ធិពលនៅ PSG រូបនេះជឿជាក់ថា Ousmane Dembele នឹងជោគជ័យជាមួយគាត់នៅប្រទេសកំណើតរបស់ខ្លួន។ ទោះជាយ៉ាងណាក៏ដោយរបាយការណ៍ដដែលនេះដែរ បានបន្ថែមថា គ្រូបង្វឹករបស់ក្លឹប Barcelona លោក Xavi Hernandez កំពុងរីករាយជាមួយនឹងទម្រង់លេងរបស់ Dembele នៅរដូវកាលនេះ ហើយគាត់មិនចង់បាត់បង់ខ្សែប្រយុទ្ធស្លាបរូបនេះឡើយ។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
