Connect with us

បាល់ទាត់អន្តរជាតិ

Cristiano Ronaldo អាច​នឹង​ជួប​អតីត​មិត្ត​ចាស់ Luka Modric នៅ​ក្លឹប​ថ្មី Al-Nassr

Published

on

តារា​ឆ្នើម Cristiano Ronaldo អាច​នឹង​មាន​ឱកាស​ជួប​ជាមួយ​អតីត​មិត្ត​រួម​ក្រុម​នៅ Real Madrid របស់​គាត់​គឺ​ខ្សែបម្រើ Luka Modric នៅ​ក្លឹប​ថ្មី Al-Nassr ព្រោះ​បើ​យោងតាម​ការ​ចុះ​ផ្សារ​របស់ Marca បាន​ឲ្យ​ដឹង​ថា ក្លឹប​អារ៉ាប៊ីសាអូឌីត​កំពុង​ព្យាយាម​ចរចារ​ដើម្បី​ចុះ​ហត្ថលេខា​លើ​ខ្សែបម្រើ​សញ្ជាតិ​ក្រូអាត​រូប​នេះ។

ខ្សែបម្រើ Luka Modric និង​ខ្សែ​ប្រយុទ្ធ Cristiano Ronaldo ធ្លាប់​បាន​លេង​ជាមួយ​គ្នា​ចំនួន 6 រដូវកាល​នៅ​ទឹកដី Santiago Bernabeu ប្រទេស​អេស្ប៉ាញ។ បុរស​ឆ្នើម Luka Modric ជា​កីឡាករ​ដែល​​ស្ថិត​ក្នុង​បញ្ជី​នៃ​ការ​ចង់​បាន​របស់ Al-Nassr រួម​ជាមួយ​នឹង​ខ្សែការពារ Sergio Ramos របស់​ក្លឹប PSG ផង​ដែរ។

ទោះ​ជា​យ៉ាង​ណា​ក៏​ដោយ មាន​របាយការណ៍​មិន​ច្បាស់ការណ៍​មួយ​ចំនួន​កាល​ពី​ពេល​ថ្មីៗ​នេះ​បាន​លើក​ឡើង​ថា Luka Modric មិន​បាន​ចាប់​អារម្មណ៍​លើ​ការ​ផ្ទេរ​នេះ​នោះ​ទេ ហើយ​គាត់​ចង់​បន្ត​លេង​នៅ Real Madrid បន្ត​ទៀត។ កីឡាករ​វ័យ 37 ឆ្នាំ​រូបនេះ​បាន​ច្រានចោល​ការ​ផ្តល់​ជូន​នូវ​ទឹកប្រាក់​ដ៏​ច្រើន​សន្ធឹក​​សន្ធាប់ ដើម្បី​ឲ្យ​គាត់​ក្លាយ​ជា​មិត្ត​រួម​ក្រុម​របស់ Cristiano Ronaldo។

ប្រភព: Dailypost

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២