ក្រោយ​ប្រកាស​និវត្តន៍​ប៉ុន្មាន​ខែ ពេល​នេះ Gerard Pique ចង់​ត្រឡប់​មក​អាជីព​បាល់ទាត់​វិញ និង​ចូល​លេង​ឲ្យ​ក្លឹប​របស់​ខ្លួន FC Andorra

វីរបុរស​របស់​ក្លឹប​អ្នក​មាន​បុណ្យ Barcelona គឺ​ខ្សែការពារ Gerard Pique ត្រូវ​បាន​គេ​រាយការណ៍​មក​ថា កំពុង​ពិចារណា​វិល​ត្រឡប់​ទៅ​កាន់​ពិភព​បាល់ទាត់​ជា​ថ្មី​ម្ដង​ទៀត បន្ទាប់​រយៈ​ពេល​ត្រឹមតែ​ប៉ុន្មាន​ខែ​ប៉ុណ្ណោះ ដែល​គាត់​បាន​ប្រកាស​ចូល​និវត្តន៍។

យ៉ាង​ណា​មិញ កីឡាករ​សញ្ជាតិ​អេស្ប៉ាញ​រូប​នេះ បាន​​បើក​ចំហរ​ពី​ការ​ចង់​ចូលរួម​លេង​ឲ្យ​ក្លឹប FC Andorra ក្នុង​ក្របខ័ណ្ឌ​ទី 2 របស់​អេស្ប៉ាញ ដែល​ក្រុម​នោះ​ដែរ​គាត់​គឺ​ជា​ប្រធាន​ក្លឹប​ផ្ទាល់​តែ​ម្ដង។ គួរ​រំលឹក​ផង​ដែរ​ថា Gerard Pique បាន​ទិញ​ក្លឹប FC Andorra កាល​ពី​ឆ្នាំ 2018 តាម​រយៈ​ក្រុមហ៊ុន​​វិនិយោគ​របស់​គាត់​ឈ្មោះ​ថា Kosmos។

Gerard Pique គឺ​ជា​អតីត​ខ្សែការពារ​ឆ្នើម​មួយ​រូប​នៅ​ក្នុង​ពិភព​បាល់ទាត់​ដែល​ធ្លាប់​លេង​ឲ្យ​ក្លឹប Barcelona, Manchester United និង​ក្រុម​ជម្រើស​ជាតិ​អេស្ប៉ាញ។ បុរស​សង្ហារ​រូប​នេះ​ធ្លាប់​បាន​ជួយ​ឲ្យ​ក្រុម​ជម្រើស​ជាតិ​អេស្ប៉ាញ​ឈ្នះពាន World Cup ជា​លើក​ដំបូង​ផង​ដែរ​កាល​ពី​ឆ្នាំ 2010 ក្នុង​ជំនាន់​ជាមួយ​នឹង Andres Iniesta, Xavi និង David Villa ជា​ដើម។

ប្រភព: Sportskeeda