បាល់ទាត់អន្តរជាតិ
ក្លឹបមួយនៅប្រទេសទួរគី កំពុងចាប់អារម្មណ៍ផ្ទេរ Eden Hazard
ក្លឹបយក្សនៅលីគកំពូលនៃប្រទេសទួរគី Fenerbahce ត្រូវបានគេរាយការណ៍ថា កំពុងចាប់អារម្មណ៍ក្នុងការចុះហត្ថលេខាលើខ្សែប្រយុទ្ធស្លាបរបស់ក្លឹប Real Madrid គឺកីឡាករ Eden Hazard ក្នុងលក្ខខណ្ឌខ្ចីជើង។
ក្នុងអំឡុងពេលដែល Eden Hazard នៅជាមួយក្លឹបតោខៀវ Chelsea គាត់រកបានគ្រាប់បាល់ 110 គ្រាប់ និង Assist 92 ដង ក្នុងការបង្ហាញខ្លួន 352 ប្រកួត។ ទម្រង់លេងរបស់ខ្សែប្រយុទ្ធសញ្ជាតិបែលហ្សិករូបនេះបានឈានឡើងដល់ចំណុចកំពូលរហូតធ្វើឲ្យអ្នកគាំទ្រគិតថា គាត់នឹងក្លាយជាអ្នកស្នងតំណែងរបស់ Lionel Messi ថែមទៀតផង។
យ៉ាងណាមិញ ចាប់តាំងពីបញ្ចប់ការផ្ទេរតម្លៃ 150 លានផោនពីក្លឹបតោខៀវ Chelsea ក្នុងឆ្នាំ 2019 មក Eden Hazard មានទម្រង់លេងធ្លាក់ចុះយ៉ាងខ្លាំង ដែលវាខុសពីការរំពឹងទុកទាំងស្រុងរបស់ក្លឹប Real Madrid ក៏ដូចជាអ្នកគាំទ្រ។
ជាមួយនឹងទម្រង់លេងរបស់ Eden Hazard នៅពេលនេះ ប្រាកដណាស់ថា គាត់នឹងមិនអាចប្រជែងឱកាសបង្ហាញសមត្ថភាពជាមួយនឹងកីឡាករឆ្នើមផ្សេងទៀតនៅ Real Madrid បានឡើយ ហើយក្លឹបក៏មានចេតនាក្នុងការលក់គាត់ចេញឲ្យបានកាន់តែឆាប់តាមដែលអាចធ្វើបានផងដែរ។ យោងតាមរបាយការណ៍របស់ Fichajes បានឲ្យដឹងថា ក្លឹប Fenerbahce កំពុងចាប់អារម្មណ៍ក្នុងការចុះហត្ថលេខាលើ Eden Hazard ក្នុងលក្ខខណ្ឌខ្ចីជើង ហើយពួកគេនឹងត្រៀមខ្លួនរួចរាល់ សម្រាប់ការផ្ដល់ប្រាក់ពលកម្មដ៏ច្រើនរបស់គាត់ផងដែរ។
ប្រភព: Sportsmole
Real Madrid ផ្អាកគម្រោងប្រគុំតន្ត្រីនៅ Santiago Bernabeu
ទោះរកក្លឹបថ្មីមិនទាន់បាន តែ Adrien Rabiot បានបដិសេធមិនចូលរួមជាមួយ Newcastle United
Sterling ជ្រមុជទឹកកាត់គ្រោះ មុនការប្រកួតទល់នឹង Tottenham Hotspur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ5 days agoMilitao ត្រឡប់មកវិញ ខណៈកីឡាករសំខាន់ 2 រូបនឹងខកខានការប្រកួតទល់នឹង Real Sociedad នៅថ្ងៃអាទិត្យនេះ
-
បាល់ទាត់អន្តរជាតិ5 days agoតើដំណើរនៃអាជីពបាល់ទាត់របស់ Antony នឹងទៅជាយ៉ាងណា? គាត់នឹងចាកចេញពីបិសាចក្រហម រឺទេ?
-
បាល់ទាត់អន្តរជាតិ5 days agoNewcastle ត្រៀមទាក់ទងខ្សែការពារហូឡង់ Dumfries
