បាល់ទាត់អន្តរជាតិ
គ្រូ Real Madrid ថា គាត់មានខ្សែបម្រើល្អគ្រប់គ្រាន់ហើយ មិនចាំបាច់ផ្ទេរ Bellingham និង Fernandez ឡើយ
ថ្មីៗនេះអ្នកចាត់ការទូទៅរបស់ក្លឹប Real Madrid លោក Carlo Ancelotti បាននិយាយពីទំនាក់ទំនងផ្ទេរកីឡាករ 2 រូបដែលមាន Jude Bellingham និង Enzo Fernandez ខណៈដែលកីឡាករវ័យក្មេងទាំងនេះ ត្រូវបានគេចាត់ទុកថា ជាខ្សែបម្រើដ៏ល្អបំផុតក្នុងពិភពបាល់ទាត់នាពេលបច្ចុប្បន្ន។
ពេលដែលក្រុមតោកំណាចអង់គ្លេសធ្លាក់ចេញពីការប្រកួតត្រឹមវគ្គ 8 ក្រុមចុងក្រោយនៅក្នុងការប្រកួត World Cup នៃប្រទេសកាតា ខ្សែបម្រើ Jude Bellingham នៅតែទទួលបានការសរសើរចំពោះគុណភាពលេងរបស់គាត់នៅលើទីលាន។ ទន្ទឹមនឹងនោះដែរ Fernandez គឺជាកីឡាករវ័យក្មេងល្អបំផុតប្រចាំព្រឹត្តិការណ៍ FIFA World Cup និងលើកពានម្ចាស់ជើងឯកជាមួយអាហ្សង់ទីនថែមទៀតផង។
តាំងពីពេលនោះមក មានពាក្យចចាមអារ៉ាមជាច្រើនលើកឡើងថា Jude Bellingham និង Enzo Fernandez ត្រូវបានក្លឹប Real Madrid ចាប់អារម្មណ៍ និងត្រៀមផ្ទេរកីឡាករទាំង 2 រូបនេះនៅខែមករាដើមឆ្នាំនេះ។ ទោះជាយ៉ាងនេះក្តី ផ្ទុយមកវិញលោក Carlo Ancelotti បានបញ្ជាក់ថា គាត់ពេញចិត្តនឹងខ្សែបម្រើដែលគាត់មាននាពេលបច្ចុប្បន្ន ជាមួយនឹង Luka Modric, Toni Kroos, Fede Valverde, Aurelien Tchouameni, Eduardo Camavinga និងជាច្រើនទៀត។
ប្រភព: Sportskeeda
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
