Connect with us

បាល់ទាត់អន្តរជាតិ

Deschamps នឹង​កាន់​តំណែង​ជា​គ្រូ​បង្វឹក​របស់​ក្រុម​ជម្រើស​ជាតិ​បារាំង​ដល់​ឆ្នាំ 2026

Published

on

អ្នក​ចាត់​ការ​ទូទៅ​របស់​ក្រុម​ជម្រើស​ជាតិ​បារាំង Didier Deschamps បាន​យល់​ព្រម​បន្ត​កុងត្រា​ជាមួយ​ក្រុម​ជម្រើស​ជាតិ​របស់​ខ្លួន​រហូត​ដល់​ឆ្នាំ 2026។ បុរស​វ័យ 54 ឆ្នាំ​រូប​នេះ​ធ្លាប់​បាន​ដឹកនាំ​ប្រទេស​បារាំង​ឲ្យ​ឈ្នះ​ម្ចាស់​ជើងឯក World Cup កាល​ពី​ឆ្នាំ 2018 និង​បាន​ឡើង​ទៅ​កាន់​វគ្គ​ផ្តាច់ព្រ័ត្រ​នៃ​ព្រឹត្តិការណ៍ World Cup ឆ្នាំ 2022 នេះ​ផង​ដែរ។

ក្រុម​ជម្រើស​ជាតិ​បារាំង​ដែល​មាន​កីឡាករ​កំពូលៗ​ជា​ច្រើន​ស្ទើរ​តែ​បាន​គ្រង​តំណែង 2 លើក​ជាប់​គ្នា​ទៅ​ហើយ ប៉ុន្តែ​ពួក​គេ​បាន​ចាញ់​អាហ្សង់ទីន​ក្នុង​វគ្គ​ផ្ដាច់ព្រ័ត​តាមរយៈ​​បាល់​ប៉េណាល់ទី​កាត់​សេចក្ដីចុង​ម៉ោង។ ការ​ខក​ចិត្ត​នេះ​ដែរ ត្រូវ​បាន​មជ្ឃដ្ឋាន​បាល់ទាត់​គិត​ថា គ្រូ​បង្វឹក​លោក Didier Deschamps អាច​នឹង​ពិចារណា​ចេញ​ពី​តំណែង។

បន្ត​មក​ទៀត​លោក Zinedine Zidane ត្រូវ​បាន​ផ្សារ​ភ្ជាប់​ជាមួយ​នឹង​ការ​ទៅ​កាន់​តំណែង​នេះ បន្ត​ពី​លោក Deschamps។ ទោះ​បី​ជា​យ៉ាង​ណា​ក៏​ដោយ ឥឡូវ​នេះ​សហព័ន្ធ​បាល់ទាត់​របស់​បារាំង ដែល​ហៅ​កាត់​ថា FFF បាន​បញ្ជាក់​ថា Didier Deschamps នឹង​បន្ត​ដឹកនាំ​ក្រុម​រហូត​ដល់ឆ្នាំ 2026 សម្រាប់​យុទ្ធនា​ការ Euro 2024 និង World Cup 2026។

ប្រភព: Sportsmole

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២