ជួប​ជា​មួយ Atletico Madrid រាត្រី​នេះ Barcelona នឹង​អវត្តមាន​កីឡាករ​សំខាន់ៗ 2 រូប

ក្លឹប​អ្នក​មាន​បុណ្យ Barcelona កំពុង​រំពឹង​ថា នឹង​អាច​​បន្ត​ឈរ​នៅ​កំពូល​តារាង La Liga ដោយ​​រាត្រី​នេះ (ម៉ោង 3:00) ពួក​គេ​នឹង​ត្រូវ​ធ្វើ​ដំណើរ​ទៅ​កាន់ Wanda Metropolitano ដើម្បី​ជួប​ជាមួយ Atletico Madrid។ ប្រសិន​បើ Barcelona ទទួល​បាន​ជ័យ​ជំនះ នោះ​ពួក​គេ​នឹង​មាន​គម្លាត 3 ពិន្ទុ​ពី​លើ​ក្រុម​លេខ 2 Real Madrid។

ដូចគ្នា​នេះ​ដែរ ក្រុម​ម្ចាស់​ផ្ទះ Atletico Madrid នឹង​ឡើង​មក​ឈរ​នៅ​ចំណាត់​ថ្នាក់​លេខ 3 បណ្ណោះ​អាសន្ន ប្រសិន​បើ​ពួក​គេអាច​យក​ឈ្នះ Barcelona បាន។ ដោយ​ឡែក​នៅ​ក្នុង​ការ​ប្រកួត​នេះ​ដែរ ក្លឹប​អ្នក​មាន​បុណ្យ Barcelona នឹង​ត្រូវ​អវត្តមាន​កីឡាករ​ជើង​ចាស់ 2 រូប​គឺ Robert Lewandowski និង Jordi Alba។

ខ្សែ​ការពារ​ឆ្វេង Jordi Alba បាន​ជាប់​ពិន័យ​កាត​ក្រហម​កាល​ពី​ប្រកួត​មុន​ជាមួយ Espanyol ខណៈ​ដែល Robert Lewandowski ជាប់​ពិន័យ 3 ប្រកួត​ពី​តុលាការ​នៃ​ប្រទេស​អេស្ប៉ាញ ដោយ​សារ​តែ​គាត់​មិន​បាន​គោរព​ច្បាប់​កាត​ក្រហម​របស់ La Liga។ យ៉ាង​ណា​មិញ​ជម្រើស 11 នាក់​ដំបូង​នៅ​ក្នុង​រាត្រី​នេះ អាច​មាន​ដូច​ជា៖

– សម្រាប់ Atletico Madrid: Oblak; Savic, Witsel, Gimenez; Llorente, Kondogbia, Barrios, Koke, Carrasco; Griezmann, Morata

– សម្រាប់ Barcelona: Ter Stegen; Kounde, Araujo, Christensen, Balde; Pedri, Busquets, De Jong; Dembele, Torres, Fati

ប្រភព: Sportsmole