Connect with us

បាល់ទាត់អន្តរជាតិ

បិសាចក្រហម​ចង់​ខ្ចី​ជើង​ខ្សែ​ប្រយុទ្ធ​សញ្ជាតិ​ហូឡង់ Wout Weghorst

Published

on

ក្លឹប​បិសាចក្រហម Manchester United ត្រូវ​បាន​គេ​រាយការណ៍​ថា កំពុង​ពិចារណា​លើ​ការ​ខ្ចីជើង​ខ្សែ​ប្រយុទ្ធ​របស់​ក្លឹប Burnley គឺ​កីឡាករ Wout Weghorst។ យោងតាម​ស្ថានភាព​បច្ចុប្បន្ន​ក្លឹប​បិសាចក្រហម​កំពុង​ដុត​ដៃ​ដុត​ជើង​ក្នុង​ការ​ស្វែងរក​ខ្សែប្រយុទ្ធ​ថ្មី​ម្នាក់​នៅ​ក្នុង​ទីផ្សារ​ដោះ​ដូរ​កីឡាករ​ខែ​មករា​នេះ បន្ទាប់​ពី​ការ​ចាកចេញ​របស់ Cristiano Ronaldo។

ក្លឹប​បិសាចក្រហម​បាន​ប្រើប្រាស់ Anthony Martial និង Marcus Rashford គឺ​ជា​ខ្សែ​ប្រយទ្ធ​កណ្ដាល ប៉ុន្តែ​យើង​សង្កេត​ឃើញ​ថា Marcus Rashford លេង​នៅ​ប្រយុទ្ធ​ស្លាប​បាន​ល្អ​ជាង ខណៈ​ដែល Anthony Martial តែងតែ​មាន​របួស​ញឹកញាប់។

យោង​តាម​ការ​ចុះ​ផ្សាយ​របស់ ESPN បាន​ឲ្យ​ដឹង​ថា ខ្សែប្រយុទ្ធ​ចុងក្រោយ​ដែល​ស្ថិត​ក្នុង​រ៉ាដា​របស់ Manchester United គឺ Weghorst ដែល​បច្ចុប្បន្ន​កំពុង​ខ្ចី​ជើង​នៅ​ក្លឹប​យក្ស​ទួរគី Besiktas តែ​គាត់​នៅ​ស្ថិត​ក្រោម​កុងត្រា​របស់ Burnley ដល់​ឆ្នាំ 2025។ កីឡាករ​សញ្ជាតិ​ហូឡង់​រូប​នេះ​បាន​ចាកចេញ​ពី Wolfsburg កាល​ពី​ខែ​មករា​ឆ្នាំ​មុន ដើម្បី​ចូលរួម​ជា​មួយ Burnley ប៉ុន្តែ​គាត់​មិន​បាន​ទទួល​ជោគជ័យ​ឡើយ ដោយ​ក្លឹប Burnley បាន​ធ្លាក់​ទៅ​លេង​នៅ Championship ហើយ​គាត់​ក៏​ចាកចេញ​ទៅ Besiktas ក្នុង​លក្ខខណ្ឌ​ខ្ចី​ជើង​ពេញ​មួយ​រដូវកាល។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២