អតីត​គ្រូ​បង្វឹក​ឆ្នើម​ទាំង 4 រូប ដែល​កំពុង​ទំនេរ​ពី​ការងារ

រដូវកាល​ឆ្នាំ 2022-23 បាន​ចាប់​ផ្ដើម​បន្ត​ដំណើរ​ទៅ​មុខ​ទៀត បន្ទាប់​ពី​ព្រឹត្តិការណ៍​នៃ​ការ​ប្រកួត FIFA World Cup ឆ្នាំ 2022 នៅ​ប្រទេស​កាតា​​បាន​បញ្ចប់​ទៅ។ អ្វី​ដែល​គួរ​ឲ្យ​កត់​សម្គាល់​នោះ ក្រោយ​ពេល​នៃ​ការ​ប្រកួត​ដ៏​ធំ​នោះ​បញ្ចប់​ទៅ មាន​គ្រូ​បង្វឹក​ឆ្នើមៗ​មួយ​ចំនួន​បាន​លាលែង​ពី​តំណែង​របស់​ខ្លួន។

គ្រូ​បង្វឹក​ខ្លះ ក៏​បាន​ផ្ទេរ​ទៅ​កាន់​តំណែង​ជា​គ្រូ​បង្វឹក​របស់​ក្លឹប​វិញ​ម្ដង ខណៈ​ដែល​គ្រូ​បង្វឹក​ខ្លះ​ទៀត កំពុង​ទំនេរ​ពី​ការងារ និង​ប្រហែល​ជា​រងចាំ​កាលៈទេសៈ​នៃ​ការ​ផ្ទេរ​ទៅ​ក្លឹប​ធំៗ​មក​ដល់។ ខាង​ក្រោម​នេះ យើង​នឹង​បង្ហាញ​ជូន​នូវ​គ្រូ​បង្វឹក​ឆ្នើមៗ​ទាំង 4 រូប​ដែល​ទំនេរ និង​មិន​ទាន់​មាន​តំណែង​ទៅ​ដឹកនាំ​នៅ​ក្លឹប​ណាមួយ។

4. Mauricio Pochettino

គ្រូ​បង្វឹក​សញ្ជាតិ​អាហ្សង់ទីន​រូប​នេះ កំពុង​សម្លឹង​មើល​តំណែង​ជា​គ្រូ​បង្វឹក​នៅ​​ឆ្នាំ 2023 នេះ។ បុរស​អាយុ 50 ឆ្នាំ​រូបនេះ​គ្មាន​ការងារ​ធ្វើ​តាំង​ពី​រដូវ​ក្តៅ​ឆ្នាំ​មុន បន្ទាប់​ពី​គាត់​បាន​ចែក​ផ្លូវ​គ្នា​ជាមួយ​ក្លឹប​យក្ស​បារាំង Paris Saint-Germain។

3. Luis Enrique

គ្រូ​បង្វឹក​លំដាប់​ពិភពលោក​ម្នាក់​ទៀត​ដែល​នឹង​កំពុង​ត្រៀម​ទទួល​យក​ការងារ​ថ្មី​នៅ​ឆ្នាំ 2023 គឺ​លោក Luis Enrique។ ថ្មីៗ​នេះ​អតីត​គ្រូ​បង្វឹក​របស់​ក្លឹប Barcelona រូបនេះ​បាន​ចាកចេញ​ពី​តួនាទី​របស់​គាត់​ជា​គ្រូបង្វឹក​ក្រុម​ជម្រើស​ជាតិ​អេស្ប៉ាញ។

2. Thomas Tuchel

គ្រូបង្វឹក​សញ្ជាតិ​អាឡឺម៉ង់ Thomas Tuchel គឺ​ជា​គ្រូ​បង្វឹក​ម្នាក់ ដែល​បាន​បាត់បង់​ការងារ​នៅឆ្នាំ 2022។ អ្នក​ចាត់ការ​ទូទៅ​វ័យ 49 ឆ្នាំ​រូបនេះ​ត្រូវ​បាន​បណ្តេញ​ចេញ​ដោយ​ម្ចាស់ក្លឹប Chelsea ថ្មី គឺ​លោក Todd Boehly កាល​ពី​ឆ្នាំ​មុន។

1. Zinedine Zidane

Zinedine Zidane គឺ​ជា​គ្រូ​បង្វឹក​ឆ្នើម​បំផុត​នៅ​ក្នុង​ពិភព​បាល់ទាត់ ដោយ​គាត់​ធ្លាប់​ដឹកនាំ Real Madrid ឲ្យ​ឈ្នះពាន UEFA Champions League 3 ដង​ជាប់ៗ​គ្នា​គឺ​នៅ​ឆ្នាំ 2016, 2017 និង 2018។ យ៉ាង​ណា​អតីត​គ្រូបង្វឹក Real Madrid រូបនេះ​មិន​បាន​ទៅ​ដឹកនាំ​នៅ​ក្លឹប​ណា​មួយ​ឡើយ តាំង​ពី​ឆ្នាំ 2021 ពេល​ដែល​គាត់​ចាកចេញ​ពី Real Madrid មក។

ប្រភព: Sportskeeda