បាល់ទាត់អន្តរជាតិ
Jack Grealish និង Stefan Savic វាយតប់គ្នា ក្រោយចប់ការប្រកួតរវាង Atletico Madrid និង Man City (មានវីដេអូ)
ខ្សែប្រយុទ្ធស្លាបសញ្ជាតិអង់គ្លេស Jack Grealish ត្រូវបានគេរាយការណ៍ថា បានជាប់ពាក់ព័ន្ធក្នុងជម្លោះវាយតប់គ្នា ជាមួយនឹងខ្សែការពារ Stefan Savic របស់ក្លឹប Atletico Madrid នៅក្នុងផ្លូវរូងក្រោមដីចូលកន្លែងផ្លាស់សម្លៀកបំពាក់ បន្ទាប់ពីចប់ការប្រកួត UEFA Champions League កាលពីយប់មិញ។
ឧបទ្ទវហេតុនេះបានកើតឡើងបន្ទាប់ពីការប្រកួតដ៏ក្ដៅគគុកនៅកីឡដ្ឋាន Wanda Metropolitano ខណៈដែលមានការប៉ះទង្គិចគ្នាយ៉ាងច្រើន។ អាជ្ញាកណ្ដាលបានចាយកាយលឿងរហូតដល់ទៅ 7 និងកាតក្រហមមួយដែលផ្ដល់ឲ្យទៅខ្សែការពារ Felipe។ មិនតែប៉ុណ្ណោះ Phil Foden ថែមទាំងមានរបួសបែកក្បាលទៀតផង។
យ៉ាងណាមិញ Grealish មិនបានចូលលេងនៅក្នុងការប្រកួតយប់មិញនេះទេ ប៉ុន្តែគេបានចូលទៅក្នុងជម្លោះនៅលើទីលានដែរ ដោយប៉ះគ្នាជាមួយនឹង Savic ក្នុងអំឡុងពេលដែល Felipe ត្រូវបានបណ្តេញចេញពីការប្រកួតតាមរយៈកាតក្រហម។ ក្នុងខណៈពេលនោះ ខ្សែការពារ Stefan Savic បានទាញសក់របស់ Grealish។
ក្រោយការប្រកួតត្រូវបញ្ចប់ ជម្លោះរវាង Jack Grealish និង Stefan Savic បានកើតឡើងម្ដងទៀត នៅក្នុងផ្លូវរូងក្រោមដី ហើយប៉ូលីស 8 នាក់ ត្រូវបានចូលទៅជួយអន្តរាគមន៍។
ប្រភព: 90 Min
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
