បាល់ទាត់អន្តរជាតិ
Chelsea កំពុងពិភាក្សាផ្ទេរខ្សែប្រយុទ្ធឆ្នើមរបស់ក្លឹប PSV Eindhoven
ក្លឹបតោខៀវ Chelsea ត្រូវបានគេរាយការណ៍ថា បានបើកការពិភាក្សាមួយលើកិច្ចព្រមព្រៀង ដើម្បីចុះហត្ថលេខាលើខ្សែប្រយុទ្ធរបស់ក្លឹប PSV Eindhoven គឺកីឡាករ Noni Madueke។ ដោយឡែកអតីតកីឡាករវ័យក្មេងរបស់ក្លឹបមាន់ខ្នាយមាស Tottenham Hotspur រូបនេះ មានទម្រង់លេងលេចធ្លោរយ៉ាងខ្លាំង ជាមួយក្លឹបហូឡង់របស់ខ្លួនដោយស៊ុតបញ្ចូលទី 20 គ្រាប់ និង Assists 14 ដង ក្នុងការបង្ហាញខ្លួនសរុប 79 ប្រកួត។
គួររំលឹកផងដែរថា Noni Madueke បានចាកចេញពី Tottenham Hotspur ក្នុងឆ្នាំ 2018 ដើម្បីចូលរួមជាមួយក្រុមយុវជនរបស់ PSV Eindhoven។ កីឡាករវ័យ 20 ឆ្នាំរូបនេះបានជួយក្រុមរបស់ខ្លួន ដែលដឹកនាំដោយគ្រូបង្វឹកលោក Ruud van Nistelrooy ឲ្យឈ្នះពានរង្វាន់ KNVB-Beker និង Dutch Super Cup កាលពីរដូវកាលមុន ប៉ុន្តែរដូវកាលថ្មី 2022-23 នេះ គាត់បានខកខានការប្រកួតជាច្រើន ព្រោះរំខានដោយសាររបួស។
យោងតាមការចុះផ្សាយរបស់គេហទំព័រ football.london បានឲ្យដឹងថា ពេលនេះក្លឹបតោខៀវ Chelsea និង PSV Eindhoven បានចូលពិភាក្សាជាមួយគ្នា លើកិច្ចព្រមព្រៀងផ្ទេររបស់ Noni Madueke សម្រាប់ខែមករានេះហើយ ដោយលោក Graham Potter ក៏បានពេញចិត្តខ្លាំងនឹងសមត្ថភាពរបស់កីឡាករសញ្ជាតិអង់គ្លេសរូបនេះដែរ។
ប្រភព: Sportsmole
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
