កីឡាករ 5 រូប ដែល​មាន​ស្តាយ​លេង​បាល់​ស្រដៀង​នឹង Cristiano Ronaldo

ខ្សែ​ប្រយុទ្ធ Cristiano Ronaldo គឺ​ជា​កីឡាករ​បាល់ទាត់​ដ៏​អស្ចារ្យ​មួយ​រូប​នៅ​ក្នុង​ជំនាន់​របស់​គាត់ និង​ជាង​មួយ​ទសវត្ស​ចុងក្រោយ​នេះ។ ការ​តាំង​ចិត្ត​យ៉ាង​មុតមាំ, វិន័យ និង​ការ​ខិត​ខំ​ប្រឹងប្រែង​ហ្វឹកហាត់ បាន​ធ្វើឲ្យ​គាត់​ក្លាយ​ជា​កំពូល​កីឡាករ​មួយ​រូប ដែល​ទទួល​បាន​ការ​កោតសរសើរ​ពី​មជ្ឈដ្ឋាន​បាល់ទាត់​នៅ​ទូទាំង​ពិភពលោក។

កីឡាករ​វ័យ 37 ឆ្នាំ​រូបនេះ ធ្លាប់​ឈ្នះពាន Ballon d’Or 5 ដង និង​ពាន​ជា​ច្រើន​ទៀត ក្នុង​អាជីព​បាល់ទាត់​របស់​ខ្លួន។ ទន្ទឹម​នឹង​នេះ​ដែរ មាន​កីឡាករ​បាល់ទាត់​ជំនាន់​ក្រោយៗ​មួយ​ចំនួន បាន​ត្រាប់តាម និង​ចង់​ដើរ​លើ​គន្លង​ដ៏​ជោគជ័យ​របស់​តារា​ឆ្នើម​រូប​នេះ។ ដោយ​ឡែក ក្នុង​អត្ថបទ​នេះ​ក្រុម​ការងារ​យើង​សូម​បង្ហាញ​ជូន​នូវ​កីឡាករ​បាល់ទាត់ 5 រូប​ដែល​មាន​ស្តាយ​លេង​បាល់​ស្រដៀង​នឹង Cristiano Ronaldo។

5. Son Heung-Min (លេង​នៅ Tottenham Hotspur)

ស្ទីល​លេង​របស់​កីឡាករ​វ័យ 30 ឆ្នាំ​រូប​នេះ គឺ​ស្រដៀង​នឹង Cristiano Ronaldo។ គាត់​ស៊ុត​បាល់​ចំគោលដៅ​បាន​ល្អ និង​ពោរពេញ​ដោយ​កម្លាំង។ Son Heung-Min លេង​ជា​​ខ្សែ​ប្រយុទ្ធ​ស្លាប​ឆ្វេង និង​អាច​ស៊ុត​បាល់​ដោយ​ជើង​ទាំង 2 បាន​ដូច Cristiano Ronaldo ដែរ។

4. Memphis Depay (លេង​នៅ Barcelona)

ពេល​ដែល Memphis Depay ផ្ទេរ​ទៅ​ចូលរួម​ជា​មួយ Manchester United គាត់​បាន​លេង​ក្នុង​តួនាទី​ជា​ខ្សែ​ប្រយុទ្ធ​ស្លាប​ដូច​នឹង Cristiano Ronaldo។ ខ្សែ​ប្រយុទ្ធ​រូប​នេះ​ក៏​ស៊ុត​បញ្ចូល​ទី​ចំគោល​ដៅ និង​​ពូកែ​ស៊ុត​ពី​ចម្ងាយ ហើយ​គ្រាប់​​បាល់​មាន​ប្រសិទ្ធភាព​ដូច Cristiano Ronaldo ផង​ដែរ។

3. Joao Felix (លេង​នៅ Chelsea)

ក្រៅ​ពី​មាន​សញ្ជាតិ​ព័រទុយហ្គាល់​ដូច​គ្នា កីឡាករ​វ័យ 23 ឆ្នាំ​រូប​នេះ ត្រូវ​បាន​គេ​មើល​ឃើញ​ថា មាន​ទម្រង់​លេង​ស្រដៀង​គ្នា​នឹង Cristiano Ronaldo ដែរ។ បច្ចេកទេស​ដ៏​អស្ចារ្យ, ភាព​ប៉ិនប្រសប់ និង​សមត្ថភាព​បាញ់​បាល់​ពី​ចម្ងាយ​របស់​គាត់ ហាក់​ដូចជា​ត្រូវ​បាន​យក​គម្រូ​តាម​តារា​ឆ្នើម Cristiano Ronaldo។

2. Marcus Rashford (លេង​នៅ Manchester United)

Marcus Rashford បច្ចុប្បន្ន​កំពុង​មាន​ទម្រង់​លេង​លេច​ធ្លោរ​យ៉ាង​ខ្លាំង​នៅ​ក្លឹប​បិសាចក្រហម។ គ្រប់​យ៉ាង​ដែល​ខ្សែ​ប្រយុទ្ធ​វ័យ 25 ឆ្នាំ​រូប​នេះ​បង្ហាញ​នៅ​លើ​ទីលាន ពិត​ជា​ដូច​គ្នា​ខ្លាំង​ណាស់​ទៅ​នឹង Cristiano Ronaldo។ Marcus Rashford មិន​ត្រឹមតែ​ជា​មិត្ត​រួម​ក្រុម​នឹង Cristiano Ronaldo ប៉ុន្តែ​គាត់​ធ្លាប់​សរសើរ​ថា កីឡាករ​សញ្ជាតិ​ព័រទុយហ្គាល់​រូប​នេះ ជា​កីឡាករ​ល្អ​បំផុត​ក្នុង​ពិភពបាល់ទាត់​ថែមទៀត។

1. Kylian Mbappe (លេង​នៅ Paris Saint-Germain)

Kylian Mbappe គឺ​ជា​ខ្សែ​ប្រយុទ្ធ​​ដ៏​ល្អ​បំផុត​នា​ពេល​បច្ចុប្បន្ន។ គាត់​បាន​ឈ្នះ​ស្បែក​ជើង​មាស​នៅ FIFA World Cup 2022 ហើយ​ថែម​ទាំង​ស៊ុត​បញ្ចូលទី Hat-trick នៅ​វគ្គ​ផ្តាច់ព្រ័ត្រ​នៃ​ការ​ប្រកួត​តទល់​នឹង​ក្រុម​ជម្រើស​ជាតិ​អាហ្សង់ទីន​ថែម​ទៀត​ផង។ គ្មាន​អ្វី​ដែល​គួរ​ឲ្យ​សង្ស័យ​ឡើយ ដែល​អ្វីៗ​គ្រប់​យ៉ាង​របស់​កីឡាករ​វ័យ 24 ឆ្នាំ​រូប​នេះដូច​នឹង Cristiano Ronaldo។ Kylian Mbappe បាន​ចាត់ទុក Cristiano Ronaldo ជា​និមិត្តរូប​របស់​ខ្លួន​តាំង​ពី​កុមារភាព​មក​ម្ល៉េះ។

ប្រភព: Sportskeeda