Napoli លេង​ចាស់​ដៃ!!! លុត Juventus 5-1 (មានវីដេអូ)

ក្លឹប Napoli បាន​វ៉ា​ដាច់​ក្រុម​លេខ 2 ចំនួន 10 ពិន្ទុ និង​បន្ត​ឈរ​នៅ​កំពូល​តារាង Serie A បន្ទាប់​ពី​ទទួល​បាន​ជ័យជម្នះ​ដ៏​ក្រាស់ក្រែល​ជាមួយ​នឹង​លទ្ធផល 5 ទល់​នឹង 1 ទៅ​លើ​គូ​ប្រជែង​របស់​ខ្លួន Juventus កាល​ពី​រំលង​អាធ្រាត​យប់​មិញ​នេះ។

ខ្សែ​ប្រយុទ្ធ​ឆ្នើម Victor Osimhen ស៊ុត​បញ្ចូលទី​បាន 2 គ្រាប់​ម្នាក់​ឯង និង​ជា​តួ​អង្គ​ដ៏​សំខាន់​នៅ​ក្នុង​ការ​ប្រកួត​នោះ។ គ្រាប់​បាល់​ទាំង 5 គ្រាប់​របស់ Napoli ស៊ុត​បញ្ចូលទី​ដោយ Victor Osimhen នៅ​នាទីទី 14 និង​នាទីទី 65, Khvicha Kvaratskhelia នៅ​នាទីទី 39, Amir Rrahmani នៅ​នាទីទី 55, Elif Elmas នៅ​នាទីទី 72។ ទន្ទឹម​នឹង​នេះ​ដែរ 1 គ្រាប់​របស់ Juventus គឺ​ជា​ការ​ស៊ុត​បញ្ចូល​ទី​ពី​សំណាក់​ខ្សែ​ប្រយុទ្ធ​ស្លាប Angel Di Maria នៅ​នាទីទី 42។

យើង​អាច​និយាយ​បាន​ថា រដូវកាល​នេះ​គឺ​ជា​រដូវ​កាល​ដ៏​ជោគជ័យ​មួយ​របស់ Napoli ដោយ​ពួក​គេ​កំពុង​សម្លឹង​មើល​ការ​លើក​ពាន Serie A ជា​លើក​ទី 3 បន្ទាប់​ពី​ខក​ខាន​ឈ្នះពាន​លីគ​កំពូល​តាំង​ពី​ឆ្នាំ 1990 មក​ម្ល៉េះ។ ក្រៅ​ពី​ការ​ដែល​ឈរ​នៅ​កំពូល​តារាង​របស់ Serie A នោះ បច្ចុប្បន្ន​ Napoli ថែម​ទាំង​នៅ​មាន​ភារកិច្ច​ជាមួយ​នឹង​ការ​ប្រកួត​ជម្រុះ UEFA Champions League វគ្គ 16 ក្រុម​ចុងក្រោយ ដែល​ត្រូវ​ជួប​​ជាមួយ Eintracht Frankfurt ផង​ដែរ។

ទស្សនា​វីដេអូ​ហាយឡាយ​ការ​ប្រកួត​ខាង​ក្រោម:

ប្រភព: Sportsmole