Connect with us

បាល់ទាត់អន្តរជាតិ

នេះ​ជា​មូលហេតុ​ដែល​​គ្រាប់​បាល់​ទី 1 របស់ Manchester United មិន​មែន​ជា​បាល់ Offside

Published

on

កាល​ពី​ម្សិលមិញ​នេះ គឺ​ជា​ការ​ប្រកួត Manchester Derby ដ៏​ក្ដៅ​គគុក​មួយ ហើយ​ក្លឹប​បិសាចក្រហម​បាន​យក​ឈ្នះ​ក្រុម​ភ្ញៀវ Manchester City ក្នុង​លទ្ធផល 2 ទល់នឹង 1។ ក្លឹប​មេឃខៀវ Manchester City ជា​អ្នក​ស៊ុត​បញ្ចូល​ទី​បើក​ឆាក នៅ​ក្នុង​ការ​ប្រកួត និង​បាន​នាំមុខ​មុន 1 ទល់​នឹង 0 តាម​រយៈ​ការ​តែត​បញ្ចូល​ទី​ពី​ខ្សែ​ប្រយុទ្ធ​ស្លាប Jack Grealish។

ទោះ​ជា​យ៉ាង​ណា​ក៏​ដោយ 15 នាទី​ក្រោយ​មក Bruno Fernandes របស់ Manchester United បាន​រក​គ្រាប់​បាល់​តាម​ស្មើ ប៉ុន្តែ​ជា​គ្រាប់​បាល់​ដ៏ចម្រូង​ចម្រាស​មួយ ដោយ​ដំបូង​ឡើយ​ត្រូវ​បាន​គេ​មើល​ឃើញ​ថា​ជា​បាល់ Offside ពី Marcus Rashford។ ប៉ុន្តែ​បន្ទាប់​ពី​បាន​ពិគ្រោះ​យោបល់​ជាមួយ​ជំនួយ​ការ​អាជ្ញាកណ្តាល​ដែល​លើក​ទង់ គ្រាប់​បាល់​នោះ​បាន​ផ្ដល់​ទៅ​ឲ្យ Bruno Fernandes ហើយ​វា​មិន​មែន​ជា​បាល់ Offside ទេ។

ក្រោយ​ចប់​ការ​ប្រកួត NBC Sports ដែល​ជា​ខ្សែ​រយៈ​របស់ PGMOL (Professional Game Match Officials Limited) បាន​ប្រាប់​ពី​ហេតុផល​នៃ​គ្រាប់​បាល់​នេះ​ថា៖ “Marcus Rashford ពិត​ជា​ស្ថិត​នៅ​ជំហរ Offside តែ​គាត់​មិន​បាន​ប៉ះបាល់ និង​មិន​បាន​ធ្វើ​ឲ្យ​មាន​ការ​រំខាន​ដល់​ខ្សែ​ការពារ​ឡើយ ដូច្នេះ​ហើយ​គាត់​នឹង​មិន​មាន​កំហុស​នោះ​ទេ ចំណែក​អ្នក​ស៊ុត​បញ្ចូល​ទី Bruno Fernandes គឺ​មិន​មាន​កំហុស​អ្វី​ទាំង​អស់”។

ទស្សនា​វីដេអូ​ហាយឡាយ​ការ​ប្រកួត​ខាង​ក្រោម

ប្រភព: Sportingnews

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២