Connect with us

បាល់ទាត់អន្តរជាតិ

Gabriel បង្ហើប​ថា មិន​ចង់​ចេញ​ពី Arsenal ឡើយ ស្រប​ពេល​ដែល​មាន​ពាក្យ​ចចាម​អារ៉ាម​ពី​ការ​ផ្ទេរ​ទៅ Barcelona

Published

on

ខ្សែការពារ​កណ្តាល​របស់​ក្រុម​កាំភ្លើង​ធំ Arsenal គឺ​កីឡាករ Gabriel បាន​បង្ហាញ​អារម្មណ៍​ចំពោះ​អ្នកគាំទ្រ​ថា គាត់​ចង់​នៅ Arsenal បន្ត​ទៀត បន្ទាប់​ពី​មាន​ពាក្យចចាម​អារ៉ាម​ថ្មីៗ​នេះ​ថា Barcelona ចាប់​អារម្មណ៍​ចង់​បាន​គាត់។

កីឡាករ​សញ្ជាតិ​ប្រេស៊ីល Gabriel Magalhaes រក​បាន​បី​គ្រាប់​សម្រាប់​ក្រុម​កាំភ្លើងធំ នៅ​រដូវកាល​នេះ ក្នុងនាម​ជា​ខ្សែការពារ។ Gabriel ត្រូវ​បាន​ក្លឹប​កាំភ្លើងធំ នាំយក​មក​ពី LOSC Lille ដែល​មាន​តម្លៃ​ផ្ទេរ 27 លានផោន កាល​ពី​ចុង​ឆ្នាំ 2020 បន្ទាប់​ពី Arsenal ឃើញ​ពី​​ទម្រង់​លេង​លេច​ធ្លោរ​ខ្លាំង។

សមត្ថភាព​ពិសេស​មួយ​របស់​កីឡាករ​វ័យ 24 ឆ្នាំ​រូប​នេះ គឺ​អាច​លេង​នៅ​តំបន់​ការ​ពារ​ស្លាប​ឆ្វេង​ក៏​បាន នៅ​ខ្សែការពារ​កណ្តាល​ក៏​បាន ហើយ​វា​ជា​ហេតុផល​ចម្បង​មួយ ដែល​ក្លឹប​អ្នក​មាន​បុណ្យ Barcelona ពិត​ជា​ចាប់​អារម្មណ៍​ចង់​បាន​គាត់។

យ៉ាង​ណា​មិញ ក្លឹប​អ្នក​មាន​បុណ្យ Barcelona ត្រូវ​បាន​គេ​គិត​ថា កំពុង​ព្យាយាម​លក់​ខ្សែការពារ​កណ្ដាល​សញ្ជាតិ​បារាំង​ពីរ​រូប​គឺ Samuel Umtiti និង Clement Lenglet ដើម្បី​ប្រមូល​ថវិកា​ទិញ​យក​ខ្សែការពារ​ចំណូល​ថ្មី​ដែល​មាន​គុណភាព​ជាង​ខ្សែការពារ​បច្ចុប្បន្ន​របស់​ខ្លួន។

ប្រភព: 90 Min

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២