Connect with us

បាល់ទាត់អន្តរជាតិ

Upamecano ថា កីឡាករ​ដែល​គាត់​ពិបាក​តទល់​បំផុត​មិន​មែន​ជា Messi ឡើយ តែ​ជា​កីឡាករ​របស់ Barcelona រូប​នេះ

Published

on

ខ្សែការពារ​ឆ្នើម Dayot Upamecano បាន​ប្រាប់​ឈ្មោះ​ខ្សែប្រយុទ្ធ​ម្នាក់​របស់​ក្លឹប Barcelona គឺ​កីឡាករ Ousmane Dembele ដោយ​អះអាង​ថា គេ​ជា​ខ្សែប្រយុទ្ធ​ដ៏​ល្អ​បំផុត​មួយ​រូប​ និង​ជា​កីឡាករ​​ដែល​គាត់​ពិបាក​ប្រឈម​មុខ​ជាង​គេ​នៅ​លើ​ទី​លាន​ប្រកួត​ផង​ដែរ។

ទោះ​ជា​យ៉ាង​ណា​ក៏​ដោយ Dayot Upamecano ទើប​តែ​នឹង​បាន​តទល់​គ្នា​ជាមួយ​នឹង Lionel Messi នៅ​ក្នុង​វគ្គ​ផ្តាច់ព្រ័ត្រ​នៃ​ពាន​រង្វាន់ FIFA World Cup នៅ​ប្រទេស​កាតា ហើយ​ក្រុម​ជម្រើស​ជាតិបារាំង​របស់​គាត់ បាន​ចាញ់​អាហ្សង់ទីន​តាម​រយៈបាល់​ប៉េណាល់ទី​កាត់​សេចក្ដី​កាល​ពី​​ថ្ងៃទី 18 ខែធ្នូ ឆ្នាំ 2022 កន្លង​ទៅ។

ទន្ទឹម​នឹង​នេះ​ដែរ​ការ​ប្រកួត​នៅ​ក្នុង​វគ្គ​ផ្ដាច់ព្រ័ត​នោះ Ousmane Dembele បង្ហាញ​ខ្លួន​មិន​សូវ​បាន​ល្អ​ឡើយ ដោយ​ត្រូវ​បាន​ខ្សែការពារ​អាហ្សង់ទីន​បិទ​ជាប់​តែ​ម្ដង។ លើស​ពី​នេះ​ទៅ​ទៀត ខ្សែ​ប្រយុទ្ធ​រូប​នេះ​ថែម​ទាំង​បង្ករ​កំហុស​ទៅ​លើ Angel Di Maria ធ្វើ​ឲ្យ​មាន​បាល់ពិន័យ 11 ម៉ែត្រ​ដែល​ជា​គ្រាប់​បាល់​បើក​ឆាក​នៅ​ក្នុង​ការ​ប្រកួត​ថែម​ទៀត។

ថ្វី​ត្បិត​តែ​យ៉ាង​នេះ​ក៏​ដោយ Upamecano បាន​សរសើរ​ខ្សែប្រយុទ្ធ​ស្លាប​របស់​ក្លឹប Barcelona និង​ជា​មិត្ត​រួម​សញ្ជាតិ​របស់​គាត់ ដោយ​និយាយ​ទៅ​កាន់ beIN Sport ថា៖ “ខ្សែប្រយុទ្ធ​​ដែល​ខ្ញុំ​ពិបាក​នឹង​​ប្រឈម​មុខ​បំផុត​ក្នុង​នាម​ជា​ខ្សែការពារ​គឺ Ousmane Dembele, មិន​មែន​ជា Lionel Messi ឡើយ។ ប្រាកដ​ណាស់​គឺ Dembele។ គាត់​ពិត​ជា​មាន​ល្បឿន​លឿន​ណាស់”។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២