ខ្លះៗ​ពី​ការ​ប្រកួត​វគ្គ 16 ក្រុម​ចុងក្រោយ Copa del Rey របស់ Barcelona នៅ​រំលង​អាធ្រាត​នេះ

ក្រោយ​ពី​ការ​ដណ្តើម​បាន​ពាន Supercopa ដែល​ជា​​ពាន​ដំបូង​ក្នុង​រដូវកាល​នេះ ក្លឹប​អ្នក​មាន​បុណ្យ Barcelona ពេល​នេះ​នឹង​ត្រូវ​ប្រកួត​ប្រជែង​ពាន​បន្ត​ទៀត​ក្នុង​ក្របខណ្ឌ Copa del Rey ខណៈ​ដែល​ម៉ោង 2 រំលង​អាធ្រាត​នេះ ពួក​គេ​នឹង​ត្រូវ​ជួប​ជា​មួយ​ក្លឹប AD Ceuta ដែល​ជា​ក្រុម​មក​ពី​លីគ​លំដាប់​ទី 3 របស់​អេស្ប៉ាញ។

ដូច​គ្នា​នេះ​ដែរ ការ​ប្រកួត​នេះ​គឺ​ជា​ការ​ប្រកួត​​វគ្គ 16 ក្រុម​​ចុង​ក្រោយ ដែល​ធ្វើ​ឡើង​នៅ​កីឡដ្ឋាន Alfonso Murube ក្នុង​ដី​ក្រុម​ម្ចាស់​ផ្ទះ AD Ceuta។ យ៉ាង​ណា​មិញ​ក្រុម​ទាំង 2 ធ្លាប់​មាន​ប្រវត្តិ​ជួប​គ្នា 2 ដង​រួច​មក​ហើយ ក្នុង​ពាន​រង្វាន់ Copa del Rey កាល​ពី​ឆ្នាំ 2010 ប៉ុន្តែ​ក្លឹប AD Ceuta មិន​ដែល​យក​ឈ្នះ Barcelona ឡើយ។

ខ្សែ​បម្រើ Franck Kessie, Sergi Roberto, Pablo Torre និង Ansu Fati ត្រូវ​បាន​គេ​គិត​ថា នឹង​ក្លាយ​ជា​ជម្រើស​ដំបូង​នៃ​ការ​ប្រកួត ខណៈ​ដែល Memphis Depay អាច​នឹង​មាន​ភាព​ស្រពិចស្រពិល។ ខាង​ក្រោម​នេះ គឺ​ជា​ជម្រើស 11 នាក់​ដំបូង​ដែល​ត្រូវ​បាន​គេ​រំពឹង​ថា នឹង​ប្រើប្រាស់​នៅ​ក្នុង​ការ​ប្រកួត​យប់​នេះ។

ក្រុម​ម្ចាស់​ផ្ទះ AD Ceuta អាច​នឹង​ប្រើប្រាស់: Montagud; Garcia, Lafarge, Gutierrez, Macias; Reina, Lopez; Gonzalez, Cuevas, Redondo; Rios។

ក្រុម​ភ្ញៀវ Barcelona អាច​នឹង​ប្រើប្រាស់: Pena; Bellerin, Garcia, Christensen, Alba; Roberto, Kessie, Torre; Raphinha, Torres, Fati។

ប្រភព: Sportsmole