Haaland ស៊ុត 3 គ្រាប់​ម្នាក់​ឯង ក្នុង​ជ័យ​ជំនះ 3-0 របស់ Manchester City ទៅ​លើ Wolverhampton

បុរស​ដែល​មាន​រហស្សនាម​ថា មនុស្ស​យន្ត Erling Haaland នៅ​តែ​ជា​តួអង្គ​ដ៏​សំខាន់ និង​ជា​ខ្សែ​ប្រយុទ្ធ​ដ៏​មុតស្រួច​របស់​ក្លឹប​មេឃខៀវ Manchester City ខណៈ​ដែល​គាត់​បាន​​ស៊ុត 3 គ្រាប់​ម្នាក់​ឯង ក្នុង​ជ័យ​ជម្នះ 3-0 របស់​ Manchester City ទៅ​លើ Wolverhampton កាល​ពី​ម្សិលមិញ​នេះ ក្នុង​ការ​ប្រកួត​ក្របខ័ណ្ឌ Premier League។

ដោយ​ឡែក 3 គ្រាប់​នៅ​ក្នុង​ការ​ប្រកួត​នេះ​ដែរ បាន​ធ្វើ​ឲ្យ​អតីត​កីឡាករ​របស់​ក្លឹប Borussia Dortmund រូប​នេះ​មាន​គ្រាប់​បាល់​សរុប​ក្នុង​លីគ​រហូត​ដល់ 25 គ្រាប់ ក្នុង​ការ​បង្ហាញ​ខ្លួន​ត្រឹមតែ 19 ប្រកួត​ប៉ុណ្ណោះ នៅ​រដូវកាល​ដំបូង​របស់​ខ្លួន​​ក្នុង​ទឹកដី Premier League របស់​អង់គ្លេស។

ទន្ទឹម​នឹង​នេះ ជ័យ​ជំនះ​របស់​ក្រុម​លោក Pep Guardiola បាន​ធ្វើ​ឲ្យ​ពួក​គេ​ទទួល​បាន 3 ពិន្ទុ និង​បន្ត​​ឈរ​នៅ​លេខរៀងទី 2 ក្នុង​តារាង Premier League ដោយ​មាន 45 ពិន្ទុ តាម​ពី​ក្រោយ​ក្រុម​កំពូល​តារាង Arsenal ចំនួន 5 ពិន្ទុ បន្ទាប់​ពី​ក្រុម​កាំភ្លើងធំ​ក៏​ទទួល​បាន​ទទួល​ជ័យ​ជំនះ​លើ Manchester United ក្នុង​លទ្ធផល 3-2 ផង​ដែរ។

ប្រភព: Sportsmole