Connect with us

បាល់ទាត់អន្តរជាតិ

Manchester City ត្រៀម​ដាក់​សំណើរ​ដោះដូរ Joao Cancelo ជាមួយ​នឹង​ខ្សែ​ប្រយុទ្ធ​ម្នាក់​របស់​ក្លឹប AC Milan

Published

on

ក្លឹប​មេឃខៀវ Manchester City បាន​ត្រៀម​ខ្លួន​រួច​ជា​ស្រេច​ក្នុង​ការ​ដាក់​ដំណើរ​ដោះដូរ​កីឡាករ​របស់​ខ្លួន Joao Cancelo ក្នុង​កិច្ច​ព្រមព្រៀង​មួយ ដើម្បី​នាំ​យក Rafael Leao មក​កាន់​ទឹកដី Etihad Stadium នេះ​បើ​យោង​តាម​របាយការណ៍​ពី Calciomercato បាន​ចុះ​ផ្សាយ។

យ៉ាង​ណា​មិញ​ក្លឹប Manchester City ធ្លាប់​ចង់​ចុះហត្ថលេខា​លើ​ខ្សែ​ប្រយុទ្ធ​ស្លាប​របស់​ក្លឹប AC Milan គឺ​កីឡាករ Rafael Leao តាំង​ពី​ឆ្នាំ​មុន​មក​ម្ល៉េះ ស្រប​ពេល​ដែល​ក្លឹប​តោខៀវ Chelsea ក៏​ចាប់​អារម្មណ៍​ខ្លាំង​ទៅ​លើ​កីឡាករ​សញ្ជាតិ​ព័រទុយហ្គាល់​រូប​នេះ​ផង​ដែរ។

ខណៈ​ដែល​កុងត្រា​បច្ចុប្បន្ន​របស់ Rafael Leao នឹង​ផុត​កំណត់​នៅ​ចុង​បញ្ចប់​នៃ​រដូវ​កាល​ក្រោយ (ឆ្នាំ 2024) នោះ​នឹង​ធ្វើ​ឲ្យ​ក្លឹប AC Milan ត្រូវបង្ខំ​ចិត្ត​លក់​គាត់​ចេញ រឺ​ស្វែង​រក​ជម្រើស​ណា​មួយ​ដែល​ល្អ ជា​ជាង​ការ​ឃាត់ឃាំង​ទុក​ឲ្យ​គាត់​ចាកចេញ​ដោយ​គ្មាន​តម្លៃ​ខ្លួន នៅ​ពេល​កុងត្រា​ផុត​កំណត់។

របាយការណ៍​មួយ​ពី Football.London បាន​អះអាង​ថា ក្លឹប​តោខៀវ Chelsea កំពុង​តាម​ដាន​យ៉ាង​យក​ចិត្ត​ទុក​ដាក់​លើ Rafael Leao ដែល​ជា​តារា​ឆ្នើម​ប្រចាំ​ក្របខណ្ឌ Serie A របស់​អ៊ីតាលី។ ទន្ទឹម​នឹង​នេះ​ដែរ Manchester City អាច​នឹង​មាន​គម្រោង​ប្រជែង​​លើ​ក្លឹប​តោខៀវ Chelsea ដោយ​ប្រើ​ប្រាស់ Joao Cancelo ជា​ថ្នូរ​ក្នុង​កិច្ចព្រមព្រៀង​ផ្ទេរ​យក Rafael Leao។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២