Connect with us

បាល់ទាត់អន្តរជាតិ

ក្លឹប​បិសាចក្រហម​ប្រកាស​ពី​ការ​ចុះ​ហត្ថលេខា​លើ Marcel Sabitzer

Published

on

កាល​ពី​មុន​នេះ​បន្តិច ក្លឹប​បិសាចក្រហម Manchester United បាន​ប្រកាស​ពី​ការ​ចុះ​ហត្ថលេខា​លើ​ខ្សែ​បម្រើ​ប្រយុទ្ធ​ចំណូល​ថ្មី Marcel Sabitzer ជា​ផ្លូវការណ៍​ហើយ ក្រោយ​ពី​មាន​ពាក្យ​ចចាម​អារ៉ាម​ជា​ច្រើន​នៅ​ប៉ុន្មាន​ថ្ងៃ​ចុងក្រោយ​នេះ។

យ៉ាង​ណា​មិញ​កីឡាករ​សញ្ជាតិ​អូទ្រីស Marcel Sabitzer បាន​ចូល​រួម​ជា​មួយ​ក្លឹប​បិសាចក្រហម ក្នុង​លក្ខខណ្ឌ​ខ្ចី​ជើង​ពី Bayern Munich រហូត​ដល់​ចុង​បញ្ចប់​នៃ​រដូវកាល​នេះ (ខែ​មិថុនា ឆ្នាំ 2023)។ ដូច​គ្នា​នេះ​ដែរ​កីឡាករ​វ័យ 28 ឆ្នាំ Marcel Sabitzer បាន​ក្លាយ​ជា​គោលដៅ​នៃ​ការ​ចង់​បាន​ភ្លាមៗ​ពី​ក្លឹប Manchester United បន្ទាប់​ពី Christian Eriksen បាន​រងរបួស​កជើង ហើយ​ត្រូវ​សម្រាក​ពី​ទីលាន​ប្រកួត​រហូត​ដល់ 3 ខែ។

ការ​ផ្ទេរ​របស់ Marcel Sabitzer មក Old Trafford ត្រូវ​បាន​គេ​ដឹង​ថា ជា​ការ​ខ្ចី​ជើង​ដល់​ចប់​រដូវកាល​ដោយ​គ្មាន​ជម្រើស រឺ​លក្ខខណ្ឌ​ទិញ​ផ្ដាច់​កុងត្រា​ឡើយ។ កីឡាករ​វ័យ 28 ឆ្នាំ​រូប​នេះ នៅ​សល់​កុងត្រា​រយៈពេល 2 ឆ្នាំ​ទៀត​នៅ Allianz Arena ប៉ុន្តែ​មិ​ន​សូវ​មាន​ឱកាស​បង្ហាញ​ខ្លួន​បាន​ទៀងទាត់​ឡើយ​ក្នុង​រដូវកាល​នេះ ដោយ​សារ​តែ Joshua Kimmich និង Leon Goretzka នៅ​តែ​មាន​ទម្រង់​លេង​លេចធ្លោរ និង​ជាទី​ពេញ​ចិត្ត​របស់​គ្រូ​បង្វឹក។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២