Arsenal ដាក់​គោល​ដៅ​ឆក់​យក​ខ្សែ​បម្រើ Florian Grillitsch ជាមួយ​នឹង​ការ​ផ្ទេរ​ដែល​គ្មាន​តម្លៃ​ខ្លួន

ក្លឹប​កាំភ្លើង​ធំ Arsenal កំពុង​ចាប់​អារម្មណ៍ ក្នុង​ការ​ចុះហត្ថលេខា​លើ​ខ្សែបម្រើ Florian Grillitsch របស់​ក្លឹប Hoffenheim លើ​ការ​ផ្ទេរ​ដោយ​គ្មាន​តម្លៃ​ខ្លួន នៅ​រដូវក្តៅនេះ (នេះ​បើ​យោងតាម​របាយការណ៍​ចុង​ក្រោយ​មួយ​បាន​ចុះ​ផ្សាយ)។

យ៉ាង​ណា​មិញ កុងត្រា​បច្ចុប្បន្ន​របស់​កីឡាករ​សញ្ជាតិ​អូទ្រីស Florian Grillitsch ជាមួយ​ក្លឹប Hoffenheim នឹង​ត្រូវ​ផុតកំណត់​នៅ​ចុង​ខែមិថុនា​នេះ​ផង​ដែរ។

ក្រុម​កាំភ្លើងធំ​កំពុង​សម្លឹង​មើល​ការ​កែលម្អ​នៅ​តំបន់​បម្រើ​របស់​ពួក​គេ នៅ​ក្នុង​ទីផ្សារ​ដោះដូរ​កីឡាករ​នា​រដូវក្ដៅ​នេះ។ យោងតាម The Telegraph ក៏​បាន​រាយការណ៍​ផង​ដែរ​ថា Grillitsch ត្រូវ​បាន​បញ្ចូល​ទៅ​ក្នុង​បញ្ជីគោលដៅ​របស់ Arsenal ខណៈ​ដែល​មាន​ក្លឹបមួយ​ចំនួន​ទៀត​ក៏​បាន​ចាប់​អារម្មណ៍​លើ​ខ្សែ​បម្រើ​រូប​នេះ​ដែរ។

ប្រភព: Metro