បាល់ទាត់អន្តរជាតិ
Manchester City អាចនឹងចុះហត្ថលេខាលើ Kvaratskhelia នៅចុងបញ្ចប់នៃរដូវកាលនេះ
ក្លឹបមេឃខៀវ Manchester City ត្រូវបានគេរាយការណ៍ថា បានកំណត់អត្តសញ្ញាណលើខ្សែប្រយុទ្ធស្លាបរបស់ក្លឹប Napoli គឺកីឡាករ Khvicha Kvaratskhelia ជាគោលដៅផ្ទេរដ៏សំខាន់មួយនៅចុងបញ្ចប់នៃរដូវកាលនេះ។ កីឡាករវ័យ 21 ឆ្នាំ Kvaratskhelia បច្ចុប្បន្នកំពុងក្លាយជាតារារះដ៏ត្រចះត្រចង់លើទឹកដីនៃលីគកំពូលរបស់ប្រទេសអ៊ីតាលី។
យ៉ាងណាមិញកីឡាករឆ្នើមរូបនេះបានចូលរួមជាមួយ Napoli ដោយផ្ទេរពីក្លឹបក្នុងស្រុករបស់ប្រទេសហ្សកហ្ស៊ី Dinamo Batumi ក្នុងតម្លៃ 7 លានផោនកាលពីរដូវក្តៅឆ្នាំមុន។ ចាប់តាំងពីផ្ទេរមក Napoli គាត់ជាផ្នែកដ៏សំខាន់នៃក្រុមរបស់លោក Luciano Spalletti ខណៈដែលបច្ចុប្បន្នពួកគេកំពុងត្រៀមលើកពាន Serie A នៅរដូវកាលនេះផងដែរ។
Kvaratskhelia បានបង្ហាញខ្លួនជាជម្រើសដំបូងរបស់ក្រុមចំនួន 20 ប្រកួត ក្នុងចំណោមប្រកួតសរុបទាំង 21 សម្រាប់ Napoli នៅរដូវកាល 2022-2023 នេះ ដោយស៊ុតបញ្ចូលទីបាន 7 គ្រាប់នៅ Serie A និង 2 គ្រាប់នៅ Champions League។ យោងតាមអ្នកកាសែត Ben Jacobs បានឲ្យដឹងថា ក្លឹបអ្នកមាន Manchester City បច្ចុប្បន្នកំពុងតាមដាន និងរក្សាការចាប់អារម្មណ៍របស់ខ្លួនទៅលើ Kvaratskhelia ខណៈដែលក្លឹប Newcastle United ក៏កំពុងបង្ហាញចំណាប់អារម្មណ៍ខ្សែប្រយុទ្ធឆ្នើមរបស់ Napoli រូបនេះដែរ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
