Connect with us

បាល់ទាត់អន្តរជាតិ

ក្លឹប​ធំៗ 3 កំពុង​ត្រៀម​ផ្ទេរ Aubameyang នៅ​ចុង​បញ្ចប់​នៃ​រដូវកាល​នេះ

Published

on

ក្លឹប​អ្នក​​មាន​បុណ្យ Barcelona, AC Milan និង Atletico Madrid ត្រូវ​បាន​គេ​រាយការណ៍​ថា បាន​ត្រៀម​ខ្លួន​រួច​ជា​ស្រេច ដើម្បី​ពិភាក្សា​អំពី​ការ​ផ្ទេរ​​មួយ​នៅ​រដូវក្តៅ​​ខាង​មុខ​នេះ​សម្រាប់​ខ្សែប្រយុទ្ធ Pierre-Emerick Aubameyang ដែល​បច្ចុប្បន្ន​ជា​កម្ម​សិទ្ធិ​របស់​ក្លឹប​តោខៀវ Chelsea។

យ៉ាង​ណា​មិញ​កីឡាករ​សញ្ជាតិ​ហ្គាបុង​រូប​នេះ​ហាក់​ដូច​ជា​ទទួល​រង​ភាព​សោកសៅ​ជា​បន្ត​បន្ទាប់ គិត​ចាប់​តាំង​ពី​ការ​ផ្ទេរ​ទៅ Stamford Bridge កាល​ពី​ថ្ងៃ​ទី 6 ខែ​កញ្ញា​ឆ្នាំ​មុន។ ក្រៅ​ពី​មាន​ទម្រង់​លេង​មិន​សូវ​ល្អ Aubameyang ថែម​ទាំង​ត្រូវ​បាន​ក្លឹប​តោខៀវ​ជម្រុះ​ឈ្មោះ​ចេញ​ពី​បេក្ខភាព​ជា​កីឡាករ​សម្រាប់​លេង​ក្នុង​ក្របខ័ណ្ឌ UEFA Champions League ទៀត​ផង។

តាម​ស្ថានភាព​ជាក់​ស្ដែង​ដែល​កើត​ឡើង​នៅ​ពេល​នេះ Aubameyang ពិត​ជា​ភាគរយ​ខ្ពស់​បំផុត​ក្នុង​ការ​ចាកចេញ​ពី​ទឹកដី​អង់គ្លេស បើ​ទោះ​បី​ជា​កុងត្រា​របស់​គាត់​នៅ​មាន​សុពលភាព​រហូត​ដល់​ឆ្នាំ 2024 ក៏​ដោយ។ មាន​ពាក្យ​ចចាម​អារ៉ាម​ជា​ច្រើន​បាន​លើក​ឡើង​ថា កាល​ពី​ខែ​មករា​កន្លង​ទៅ Barcelona នឹងនាំយក​កីឡាករ​វ័យ 33 ឆ្នាំ​រូប​នេះ​ត្រឡប់​ទៅ Camp Nou វិញ ប៉ុន្តែ​បញ្ហា​ហិរញ្ញវត្ថុ​បាន​ធ្វើ​ឲ្យ​កិច្ច​ព្រមព្រៀង​ផ្ទេរ​មិន​អាច​ទៅ​រួច។ ដោយ​ឡែក​ថ្មីៗ​នេះ​កាសែត Daily Mail បាន​អះអាង​ថា Barcelona នៅ​តែ​មាន​ចិត្ត​ចង់​បាន Aubameyang ខណៈ​ដែល​ក្លឹប Atletico Madrid និង​ក្លឹប​យក្ស​អ៊ីតាលី AC Milan ក៏​ពេញ​ចិត្ត​នឹង​ខ្សែ​ប្រយុទ្ធ​ឆ្នើម​រូប​នេះ​ដែរ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២