Connect with us

បាល់ទាត់អន្តរជាតិ

Mason Mount បដិសេធ​កុងត្រា​ថ្មី​របស់​ក្លឹប​តោខៀវ Chelsea

Published

on

ក្លឹប​តោខៀវ Chelsea ត្រូវ​បាន​គេ​រាយការណ៍​ថា បាន​បរាជ័យ​ក្នុង​ការ​ប៉ុនប៉ង​ជា​លើក​ចុងក្រោយ​របស់​ពួកគេ​ក្នុង​ការ​បន្ត​កុងត្រា​ថ្មី​ជាមួយ Mason Mount ខណៈ​ដែល​កុងត្រា​បច្ចុប្បន្ន​របស់​ខ្សែ​បម្រើ​ប្រយុទ្ធ​រូប​នេះ​មាន​សុពលភាព​ដល់​ថ្ងៃ​ទី 30 ខែ​មិថុនា ឆ្នាំ 2024។

ចាប់​តាំង​ពី​ឡើង​មក​លេង​ជា​មួយ​ឈុត​ធំ​ជា​លើក​ដំបូង​ក្នុង​ខែ​សីហា ឆ្នាំ 2020 ខ្សែបម្រើ​ប្រយុទ្ធ Mason Mount បាន​ក្លាយ​ជា​កីឡាករ​ដ៏​សំខាន់​នៅ Stamford Bridge។ កីឡាករ​វ័យ 24 ឆ្នាំ​រូប​នេះ​ស៊ុត​បញ្ចូលទី​សរុប 33 គ្រាប់ និង 37 Assists ក្នុង​ការ​បង្ហាញ​ខ្លួន 188 ប្រកួត​នៅ​គ្រប់​ព្រឹត្តិការណ៍​ទាំង​អស់​របស់​ក្លឹប។

បច្ចុប្បន្ន Mason Mount ស្ថិត​នៅ​ក្នុង​កុងត្រា​រយៈពេល​តិច​ជាង 18 ខែ ដែល​ក្លឹប​តោខៀវ​ចាំ​បាច់​ត្រូវ​ធ្វើ​ការ​ចរចា​បន្ត​កុងត្រា​ថ្មី​លើ​តារា​ឆ្នើម​រូប​នេះ​ជា​ចាំ​បាច់។ ទោះ​បី​ជា​យ៉ាង​ណា​ក៏​ដោយ បើ​តាម​ការ​ចុះ​ផ្សាយ​របស់ Daily Mail បាន​ឲ្យ​ដឹង​ថា Mason Mount មិន​ទាន់​ផ្តល់​ភ្លើង​ខៀវ​សម្រាប់​ក្លឹប​បច្ចុប្បន្ន​របស់​ខ្លួន​នៅ​ឡើយ​ទេ បើ​ទោះ​បី​ជា​កុងត្រា​ថ្មី​ដែល Chelsea ផ្ដល់​ជូន​ហាក់​ដូច​ជា​មាន​ប្រាក់​ពលកម្ម​ដ៏​ច្រើន​សន្ធឹកសន្ធាប់​ក៏​ដោយ។ ថ្វី​ត្បិត​តែ​យ៉ាង​នេះ​ពិត​មែន តែ​​បើ​ធៀប​ទៅ​នឹង Reece James និង Raheem Sterling ប្រាក់​ពលកម្ម​របស់​គាត់ នៅ​មាន​​កម្រិត​ទាប​ជាង ហើយ​វា​ក៏​ជា​ហេតុផល​​មួយ​ដែល Mason Mount មិន​ព្រម​បន្តកុងត្រា​ថ្មី​ដែរ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២