Connect with us

បាល់ទាត់អន្តរជាតិ

Luis Enrique នឹង​ក្លាយ​ជា​អ្នក​ស្នង​តំណែង​ពី​លោក Graham Potter

Published

on

របាយការណ៍​ចុង​ក្រោយ​មួយ​បាន​ឲ្យ​ដឹង​ថា ក្លឹប​តោខៀវ Chelsea ត្រូវ​បាន​គេ​រាយការណ៍​ថា បាន​កំណត់​យក​គោលដៅ​របស់​ខ្លួន​ទៅ​លើ​អតីត​អ្នក​គ្រូ​បង្វឹក​ក្រុម​ជម្រើស​ជាតិ​​អេស្ប៉ាញ និង​ក្លឹប​អ្នក​មាន​បុណ្យ Barcelona គឺ​លោក Luis Enrique ដែល​ជា​អ្នក​ស្នង​តំណែង​របស់​លោក Graham Potter។

យ៉ាង​ណា​មិញ Graham Potter បាន​មក​ដល់ Stamford Bridge ក្នុង​ខែ​កញ្ញា​ឆ្នាំ​មុន បន្ទាប់​ពី​ក្លឹប​តោខៀវ​បានបណ្តេញ​លោក Thomas Tuchel ចេញ​ពី​តំណែង។ ទោះ​ជា​យ៉ាង​ណា​ក្ដី​អនាគត​របស់​គ្រូ​បង្វឹក​វ័យ 47 ឆ្នាំ​រូបនេះ​ហាក់​ដូច​ជា​មិន​ស្ថិតស្ថេរ​ឡើយ ខណៈ​ដែល​បច្ចុប្បន្ន​ទម្រង់​លេង​របស់ Chelsea កំពុង​យ៉ាប់​យ៉ឺន​យ៉ាង​ខ្លាំង។

បច្ចុប្បន្ន​ក្លឹប​តោខៀវ Chelsea ឈរ​នៅ​ចំណាត់​ថ្នាក់​លេខ 9 ក្នុង​តារាង Premier League និង​ត្រូវ​បាន​គេ​មើល​ឃើញ​ថា អាច​នឹង​អស់​ឱកាស​ក្នុង​ការ​ដណ្ដើម​កៅអី​សម្រាប់​ការ​ប្រកួត​ប្រជែង​ក្នុង​ក្របខណ្ឌ UEFA Champions League នៅ​រដូវកាល​ក្រោយ​ផង​ដែរ។

យោង​តាម​របាយការណ៍​ពី Fichajes បាន​ឲ្យ​ដឹង​ថា គ្រូ​បង្វឹក​លោក Luis Enrique ត្រូវបាន​ទទួល​ការ​ចាប់​អារម្មណ៍​យ៉ាង​ខ្លាំង​ពី​តោខៀវ Chelsea បើ​ទោះ​បី​ជា​ក្លឹប Atletico Madrid កំពុង​ចាប់​អារម្មណ៍​លើ​គ្រូ​បង្វឹក​សញ្ជាតិ​អេស្ប៉ាញ​រូប​នេះ​ដែរ​ក៏​ដោយ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២