បាល់ទាត់អន្តរជាតិ
Juventus ចង់ចុះហត្ថលេខាលើ Mateo Kovacic នៅចុងបញ្ចប់នៃរដូវកាលនេះ
ក្លឹបសេះបង្កង់ Juventus ត្រូវបានគេរាយការណ៍ថា ចង់ចុះហត្ថលេខាលើ Mateo Kovacic នៅចុងបញ្ចប់នៃរដូវកាល 2022-2023 ដោយពួកគេចង់ប្រើប្រាស់ Denis Zakaria ក្នុងកិច្ចព្រមព្រៀងផ្ទេរមួយនេះ។ យ៉ាងណាមិញ Zakaria បានចូលរួមជាមួយ Juventus ដោយផ្ទេរពី Borussia Monchengladbach ក្នុងខែមករាឆ្នាំ 2022 តែត្រូវបានដាក់ឲ្យខ្ចីជើងទៅ Chelsea រយៈពេលមួយរដូវកាល កាលពីរដូវក្តៅឆ្នាំមុន។
កីឡាករសញ្ជាតិស្វីស Denis Zakaria បានបង្ហាញខ្លួនតែ 6 ប្រកួតប៉ុណ្ណោះសម្រាប់ក្លឹបតោខៀវនៅរដូវកាលនេះ ប៉ុន្តែគាត់ត្រូវតែបង្ខំចិត្តបន្តនៅ Stamford Bridge រដូវកាលចប់ភារកិច្ចខ្ចីជើង។ ទោះបីជាយ៉ាងណាក៏ដោយ តោខៀវ Chelsea នឹងមានជម្រើសក្នុងការទិញផ្ដាច់កុងត្រារបស់ Zakaria ផងដែរ។
យោងតាមការចុះផ្សាយរបស់ Calciomercato បានឲ្យដឹងថា ក្លឹបសេះបង្កង់ Juventus កំពុងសម្លឹងមើលកិច្ចព្រមព្រៀងដោះដូរថែមលុយជាមួយក្លឹបតោខៀវ Chelsea ដើម្បីនាំយកខ្សែបម្រើឆ្នើម Mateo Kovacic មកកាន់ទឹកដីនៃប្រទេសអ៊ីតាលីវិញ ស្របពេលដែលក្លឹបរបស់ពួកគេកំពុងមានវិបត្តិខ្សែបម្រើជាខ្លាំង ដោយ Paul Pogba តែងតែរបួសជាញឹកញាប់ទៀតផង។
ប្រភព: Sportsmole
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
