បាល់ទាត់អន្តរជាតិ
Nemanja Matic ប្រកាសថា គាត់នឹងចាកចេញពី Manchester United នៅចុងបញ្ចប់នៃរដូវកាលនេះ
ខ្សែបម្រើសញ្ជាតិស៊ែប៊ី Nemanja Matic បានប្រកាសថា គាត់នឹងចាកចេញពីក្លឹបបិសាចក្រហម Manchester United នៅពេលដែលកុងត្រារបស់គាត់ផុតកំណត់នៅចុងបញ្ចប់នៃរដូវកាលនេះ។
កីឡាករវ័យ 33 ឆ្នាំ រូបនេះបានចូលរួមជាមួយ Manchester United ដោយផ្ទេរពីក្លឹបតោខៀវ Chelsea កាលពីឆ្នាំ 2017 ក្នុងកិច្ចព្រមព្រៀងផ្ទេរតម្លៃ 32 លានផោន និងបានបង្ហាញខ្លួន 182 ប្រកួតសម្រាប់ក្លឹប ក្រោមការដឹកនាំរបស់លោក Jose Mourinho, Ole Gunnar Solskjaer, Michael Carrick និងគ្រូបង្វឹកបច្ចុប្បន្នលោក Ralf Rangnick។
Nemanja Matic បានបញ្ជាក់យ៉ាងច្បាស់ថា រដូវកាលនេះនឹងក្លាយជារដូវកាលចុងក្រោយរបស់គាត់ជាមួយក្លឹបបិសាចក្រហម។
Matic បានសរសេរប្រកាសនៅលើបណ្ដាញសង្គម Instagram របស់គាត់ថា “បន្ទាប់ពីការគិតយ៉ាងច្រើន ខ្ញុំបានសម្រេចចិត្តថា រដូវកាលនេះនឹងក្លាយរដូវកាលចុងក្រោយរបស់ខ្ញុំជាមួយ Manchester United។ វាជាកិត្តិយសដ៏ធំសម្បើមមួយ ក្នុងការលេងឲ្យក្លឹបដ៏អស្ចារ្យនេះ។ សូមថ្លែងអំណរគុណយ៉ាងជ្រាលជ្រៅចំពោះអ្នកគាំទ្រ សម្រាប់ការគាំទ្រឥតឈប់ឈររបស់ពួកគេ”។
ប្រភព: Metro
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
