បាល់ទាត់អន្តរជាតិ
ប្រសិនបើ Luis Enrique ក្លាយជាគ្រូបង្វឹកថ្មីរបស់ Chelsea នោះគាត់នឹងចុះហត្ថលេខាផ្ទេរកីឡាករ Barcelona រូបនេះ
អតីតគ្រូបង្វឹករបស់ក្លឹបអ្នកមានបុណ្យ Barcelona លោក Luis Enrique នឹងចុះហត្ថលេខាលើខ្សែប្រយុទ្ធ Ferran Torres ប្រសិនបើគាត់ក្លាយជាគ្រូបង្វឹកថ្មីរបស់ក្លឹបតោខៀវ Chelsea។ យ៉ាងណាមិញរបាយការណ៍ថ្មីៗចុងក្រោយនេះ ត្រូវបានគេលើកឡើងថា Luis Enrique នឹងក្លាយជាបេក្ខភាពម្នាក់ ក្នុងការស្នងតំណែងរបស់លោក Graham Potter។
យោងតាមរបាយការណ៍ពី Fichajes បានអះអាងថា លោក Luis Enrique នឹងចាប់អារម្មណ៍ក្នុងការចុះហត្ថលេខាលើ Torres ពី Barcelona ប្រសិនបើគាត់កាន់កាប់តំណែងជាគ្រូបង្វឹកនៅ Stamford Bridge។ ដោយឡែកបច្ចុប្បន្ននេះក្លឹបតោខៀវ Chelsea កំពុងជួបភាពច្របូកច្របល់ជាខ្លាំងក្នុងរដូវកាលថ្មីនេះ ដោយកំពុងឈរនៅចំណាត់ថ្នាក់លេខ 9 នៅតារាង Premier League បើទោះបីជាពួកគេបានចំណាយប្រាក់យ៉ាងច្រើនក្នុងការចុះហត្ថលេខានាំយកកីឡាករចំណូលថ្មីក៏ដោយ។
ទោះបីជាលោក Graham Potter ទើបនឹងមកជំនួសតំណែងរបស់ Thomas Tuchel កាលពីខែកញ្ញាឆ្នាំមុនក៏ដោយ ក៏ទម្រង់លេងរបស់ក្រុមមិនល្អប្រសើរឡើងឡើយ។ គ្រូបង្វឹកសញ្ជាតិអង់គ្លេស Graham Potter មិនអាចបង្វែរទម្រង់លេងរបស់ Chelsea បានឡើយ ហើយត្រូវបានគេមើលឃើញថា តំណែងជាគ្រូបង្វឹករបស់គាត់ ក៏មិនគង់វង្សយូរបន្តទៀតដែរ។
ប្រភព: Dailypost NG
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
