បាល់ទាត់អន្តរជាតិ

Frank Lampard ថា Messi ជាកីឡាករល្អបំផុត បន្ទាប់មកគឺ Ronaldinho

Published

1 year ago

February 10, 2023

Lee Lee

វីរបុរសរបស់ក្លឹបតោខៀវ Chelsea លោក Frank Lampard បាននិយាយទាក់ទងនឹងការជជែកដេញដោលគ្នារវាង Lionel Messi និង Cristiano Ronaldo។ អតីតខ្សែបម្រើរូបនេះបាននិយាយតាមរយៈ Daily Star (ក្នុងឆ្នាំ 2021) ពីកីឡាករដែលល្អបំផុតតាមការយល់ឃើញរបស់ខ្លួន។

ខណៈពេលដែល Lampard ធ្លាប់លេងតទល់ជាមួយ Cristiano Ronaldo ពេលដែលខ្សែប្រយុទ្ធសញ្ជាតិព័រទុយហ្គាល់រូបនេះបានឈ្នះពាន Ballon d’Or ពេលនៅជាកីឡាកររបស់ Manchester United មុនពេលផ្លាស់ទៅ Real Madrid ប៉ុន្តែ Frank Lampard មិនបានចាត់ទុក Cristiano Ronaldo ជាកីឡាករល្អបំផុតនោះទេ និងជំនួសមកវិញដោយ Lionel Messi និង Ronaldinho។

Lampard បានលើកហេតុផលថា គាត់ជ្រើសរើស Messi ព្រោះគាត់គិតថា កីឡាករអាហ្សង់ទីនរូបនេះជាកីឡាករល្អបំផុតលើពិភពលោក។ គាត់បាននិយាយថា៖ “សម្រាប់ខ្ញុំមាន 2 នាក់, ដែលខ្ញុំចង់និយាយ។ ទី 1 គឺ Messi ព្រោះខ្ញុំគិតថាគាត់ល្អបំផុត។ ម្នាក់ទៀតគឺ Ronaldinho ព្រោះក្នុងឆ្នាំ 2005 យើងបានទៅប្រកួតនៅ Camp Nou ដែលវាដូចជាការជួបគ្នាលើកដំបូងរបស់ខ្ញុំ ជាមួយនឹងកីឡាករដែលមកពីភពផ្សេង។… ចលនារបស់ Ronaldinho នៅក្នុងការប្រកួតនោះពិតជាអស្ចារ្យ និងគួរឲ្យកោតសរសើរណាស់”។