ច្បាស់ការណ៍៖ Lionel Messi នឹង​អាច​ចូល​លេង​បាន ពេល​ប៉ះ Bayern Munich

តារា​ឆ្នើម Lionel Messi នឹង​​អាច​​ចូល​លេង​ក្នុង​ការ​ប្រកួត UEFA Champions League វគ្គ 16 ក្រុម​​ចុង​ក្រោយ​របស់ Paris Saint-Germain ជើង​ទី 1 ទល់​នឹង Bayern Munich នៅ​ សប្តាហ៍​ក្រោយ បើ​ទោះ​បី​ជា​មាន​ការ​ព្រួយ​បារម្ភ​ខ្លះៗ​អំពី​បញ្ហា​សរសៃ​ពួរ​ក៏​ដោយ។

កីឡាករ​សញ្ជាតិ​អាហ្សង់ទីន Lionel Messi ត្រូវ​បាន​ដក​ឈ្មោះ​ចេញ​ពី​ក្រុម PSG សម្រាប់​ការ​ប្រកួត Ligue 1 ថ្ងៃ​នេះ​ជាមួយ Monaco ដោយ​សារ​របួស​ដែល​បាន​កើត​ឡើង​ចំពោះ​គាត់​ក្នុង​ការ​ប្រកួត​ជាមួយ Marseille កាល​ពី​ថ្ងៃ​ពុធ​កន្លង​ទៅ ហើយ​វា​ជា​ការ​ប្រកួត​នៃ​ក្របខណ្ឌ Coupe de France។

មាន​ការ​ភ័យ​ខ្លាច​ថា Messi នឹង​អវត្តមាន​សម្រាប់​ការ​ប្រកួត UEFA Champions League ប៉ះ​នឹង Bayern Munich នៅ​ថ្ងៃ 14 កុម្ភៈ​សប្ដាហ៍​ក្រោយ។ ទោះ​បី​ជា​យ៉ាង​ណា​ក៏​ដោយ គ្រូ​បង្វឹក​របស់​ក្លឹប PSG លោក Christophe Galtier ថ្មីៗ​នេះ​បាន​ប្រាប់​អ្នក​យក​ព័ត៌មាន​ថា Lionel Messi នឹង​វិលចូល​ទីលាន​​ហ្វឹកហាត់​វិញ​នៅ​ថ្ងៃចន្ទ​នេះ ដើម្បី​ត្រៀម​ខ្លួន​សម្រាប់​ការ​ប្រកួត​ជាមួយ​នឹង Bayern Munich។

ប្រភព: Sportsmole