បាល់ទាត់អន្តរជាតិ
ប្រកួតទល់នឹង Liverpool នៅរំលងអាធ្រាតនេះ Real Madrid អវត្តមានខ្សែបម្រើសំខាន់ 2 រូប
ខ្សែបម្រើ Aurelien Tchouameni និង Toni Kroos របស់ក្លឹបអធិរាជស Real Madrid មិនមានឈ្មោះក្នុងបញ្ជីកីឡាករ សម្រាប់ការប្រកួតជើងទី 1 នៃក្របខណ្ឌ UEFA Champions League វគ្គ 16 ក្រុមចុងក្រោយរបស់ពួកគេ ដែលត្រូវតទល់នឹងហង្សក្រហម Liverpool នៅរំលងអាធ្រាតនេះឡើយ។
យ៉ាងណាមិញខ្សែបម្រើកណ្តាលទាំង 2 រូបនេះ បានក្លាយជាផ្នែកមួយដ៏សំខាន់របស់លោក Carlo Ancelotti នៅរដូវកាលនេះ។ ពួកគេតែងតែត្រូវបានប្រើប្រាស់ក្នុងការចាប់ដៃគូជាមួយ Luka Modric។ យ៉ាងណាថ្មីៗនេះទាំង Tchouameni និង Toni Kroos បានស្ថិតក្នុងស្ថានភាពមានជម្ងឺ។
កីឡាករសញ្ជាតិអាឡឺម៉ង់ Toni Kroos បានខកខានការប្រកួតដែល Real Madrid យកឈ្នះទៅលើ Elche និង Osasuna ដោយសារតែមានជម្ងឺរលាកក្រពះ ខណៈ Tchouameni បានអវត្តមាននៅក្នុងការប្រកួតចុងក្រោយកាលពីចុងសប្តាហ៍មុន បន្ទាប់ពីមានរោគសញ្ញាស្រដៀងគ្នា។ ទន្ទឹមនឹងនេះដែរ ខ្សែការពារស្លាបឆ្វេង Ferland Mendy ក៏អវត្តមានផងដែរ ដោយគាត់ទើបនឹងជាសះស្បើយពីរបួសភ្លៅថ្មីៗនេះ។
ប្រភព: Sportsmole
-
បាល់ទាត់អន្តរជាតិ2 days ago
Philipp Lahm ទស្សន៍ទាយក្រុមដែលនឹងឈ្នះពាន Euro ឆ្នាំនេះ!!!
-
បាល់ទាត់អន្តរជាតិ2 days ago
Alexander Isak មិនយកចិត្តទុកដាក់ក្នុងការចង់ចាកចេញពីក្លឹបបច្ចុប្បន្នរបស់ខ្លួនឡើយ!!!
-
បាល់ទាត់អន្តរជាតិ2 days ago
Barcelona កំពុងពិចារណាលក់កីឡាករជាច្រើនដើម្បីយកលុយទិញ Haaland