Connect with us

បាល់ទាត់អន្តរជាតិ

ថ្វី​ត្បិត​តែ​ក្រុម​ឈ្នះ​មែន ប៉ុន្តែ Paul Pogba ត្រូវ​អ្នក​គាំទ្រ​ស្រែកជេរ​យ៉ាង​ស្ពឹកមុខ

Published

on

តាម​រយៈ​ខ្សែ​វីដេអូ​ខ្លី​មួយ បាន​បង្ហាញ​ឲ្យ​ឃើញ​ពី​សកម្មភាព​របស់ Paul Pogba បាន​លើក​ដៃ​ដាក់​​ត្រចៀក​​ទៅ​កាន់​​អ្នកគាំទ្រ​របស់ Manchester United ដើម្បី​​បង្ក​ឲ្យ​មាន​​ការ​​ស្រែក​ឡើង​​កាន់​តែ​​ខ្លាំង​​ឡើង ​បន្ទាប់​​ពី​​ការ​​ទទួល​​ជ័យ​ជម្នះ 3-2 លើ Norwich City នៅ Old Trafford ។

គ្រាប់បាល់​ស៊ុតបញ្ចូលទី​របស់ Cristiano Ronaldo គឺ​ជា​ជ័យជម្នះរបស់ Manchester United ហើយ​ក៏​ជា​ឱកាស​ធ្វើ​ឲ្យ​លោក Ralf Rangnick អាច​មាន​ឱកាស​ដណ្ដើម Top 4 នៅ Premier League រដូវកាល​នេះ​ផង​ដែរ។

ទន្ទឹម​នឹង​នោះ​ដែរ ខ្សែបម្រើ​សញ្ជាតិ​បារាំង Paul Pogba បាន​ទទួល​រង​នូវ​ការ​ស្រែក​ជេរប្រមាថ និង​ចំអក​យ៉ាង​ខ្លាំង ដោយ​អ្នកគាំទ្រ​មួយ​ចំនួននៅ Old Trafford បន្ទាប់​ពី​គាត់​ត្រូវ​បាន​ប្តូរ​ចេញ មុន​ការ​ប្រកួត​បញ្ចប់ 16 នាទីក្នុង​តង់ទីពីរ។

Paul Pogba បាន​ឆ្លើយ​តប​ទៅ​កាន់​អ្នកគាំទ្រ​វិញ ដោយ​លើក​ដៃ​ដាក់​ត្រចៀក នៅ​ពេល​ដើរ​ចេញ​ពី​កីឡដ្ឋាន ហើយ​ក៏​បង្ក​ឲ្យ​មាន​ការ​ស្រែក​ជេរ​កាន់​តែ​ខ្លាំង​ឡើង​ថែម​ទៀត។

ប្រភព: Metro

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២