បាល់ទាត់អន្តរជាតិ
Real Madrid នឹងអវត្តមានកីឡាករសំខាន់ 3 រូបសម្រាប់ការប្រកួត Madrid Derby នៅរំលងអាធ្រាតនេះ
ក្លឹបអធិរាជស Real Madrid នឹងអវត្តមានកីឡាករសំខាន់ 3 រូប សម្រាប់ការប្រកួតជាមួយក្រុមភ្ញៀវ Atletico Madrid នៅម៉ោង 12:30 រំលងអាធ្រាតនេះ (ម៉ោងនៅកម្ពុជា)។ ក្លឹបម្ចាស់ជើងឯកនៃប្រទេសអេស្ប៉ាញមួយនេះ បច្ចុប្បន្នកំពុងលេងដោយគ្មានវត្តមានរបស់ Ferland Mendy ដែលនៅតែស្ថិតក្នុងស្ថានភាពមិនសូវល្អ ទោះបីគាត់បានជាពីរបួសសរសៃពួរក៏ដោយ។
ថ្មីៗនេះ Real Madrid បានទទួលជ័យជម្នះដ៏អស្ចារ្យក្នុងលទ្ធផល 5-2 ទៅលើ Liverpool ក្នុងការប្រកួតជើងទី 1 នៃការប្រកួត UEFA Champions League វគ្គ 16 ក្រុមចុងក្រោយរបស់ពួកគេនៅឯកីឡដ្ឋាន Anfield ប៉ុន្តែជ័យជម្នះបានកើតឡើងដោយមិនមានវត្តមានរបស់ David Alaba និង Rodrygo បានរងរបួសក្រោយចប់ការប្រកួត។
ខ្សែការពារ David Alaba មានបញ្ហាសរសៃពួរ ដែលអាចធ្វើឲ្យគាត់អវត្តមានរហូតដល់មួយខែ ខណៈដែល Rodrygo ត្រូវបានគេដឹងថា នឹងប្រឈមមុខសម្រាកពីលើទីលានប្រហែល 10 ថ្ងៃជាមួយនឹងបញ្ហាទាក់ទងនឹងសាច់ដុំឆ្អឹងខ្នងខាងក្រោយ។ យ៉ាងណាមិញ កីឡាករដែលត្រូវបានគេគិតថា នឹងបង្ហាញខ្លួនក្នុងការប្រកួតយប់នេះមានដូចជា៖ Courtois (អ្នកចាំទី); Carvajal, Militao, Rudiger, Nacho; Camavinga, Tchouameni, Kroos; Valverde, Benzema, Vinicius Jr។
ប្រភព: Sportsmole
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
