PSG នឹង​ប៉ះក្រុម​ខ្លាំង Marseille នៅ​រំលង​អាធ្រាត​នេះ ខណៈ​ដែល Ramos អាច​នឹង​ក្លាយ​ជាជម្រើស 11 នាក់​ដំបូង

នៅ​ម៉ោង 1:45 រំលង​អាធ្រាត​នេះ ក្លឹប​យក្ស Paris Saint Germain ដែល​កំពុង​ឈរ​នៅ​កំពូល​តារាង​របស់​លីគបារាំង នឹង​ត្រូវ​ប៉ះគ្នា​ជាមួយ​ក្រុម​ខ្លាំង Olympique Marseille ជា​ក្រុម​ស្ថិត​នៅ​លេខរៀង​ទីពីរ ខណៈ​ដែល​ការ​ប្រកួត PSG គឺ​ជាម្ចាស់​ផ្ទះ។

ការ​ប្រកួត​នារាត្រី​នេះ នឹង​ធ្វើ​ឡើង​នៅ​កីឡដ្ឋាន Parc des Princes ដែល​វា​ត្រូវ​បាន​គេ​មើល​ឃើញ​ថា គឺ​ជា​ការ​ប្រកួត​ដ៏​ក្ដៅ​គគុក​មួយ ព្រោះ PSG និង Marseille ជា​ក្លឹប​ដែល​តែងតែ​ប្រជែង​គ្នា​ខ្លាំង សូម្បី​តែ​អ្នកគាំទ្រ​ក្លឹប​ទាំង​ពីរ ក៏​មិន​សូវ​ចុះ​សម្រុង​គ្នា​ដែរ។

លោក Mauricio Pochettino បាន​ដឹកនាំ​ក្រុម​របស់​ខ្លះ​ឈ្នះ 22 ប្រកួត​មក​ហើយ ក្នុងការ​ប្រកួត​ក្របខ័ណ្ឌ Ligue 1 ហើយ​ការប្រកួត​ចុងក្រោយ​របស់​ពួក​គេ កាល​ពី​ចុង​សប្តាហ៍​មុន ដោយ​យក​ឈ្នះ 6-1 លើ Clermont Foot ដោយ Kylian Mbappe និង Neymar រក​បាន​គ្រាប់បាល់ Hat-Trick។

ខាង​ក្រោមនៃ​គឺ​ជា​ជម្រើស 11 នាក់​ដំបូង​ដែល​លោក Mauricio Pochettino អាច​នឹង​ប្រើប្រាស់​យប់​នេះ

Gianluigi Donnarumma (អ្នកចាំទី), Achraf Hakimi (ការពារស្ដាំ), Sergio Ramos (ការពារកណ្ដាល), Presnel Kimpembe (ការពារកណ្ដាល), Nuno Mendes (ការពារឆ្វេង), Danilo (បម្រើ), Marco Verratti (បម្រើ), Idrissa Gueye (បម្រើ), Lionel Messi (ប្រយុទ្ធ​ស្លាប​ស្ដាំ), Kylian Mbappe (ប្រយុទ្ធកណ្ដាល), Neymar (ប្រយុទ្ធស្លាប​ឆ្វេង)។

ប្រភព: 90 Min