Connect with us

បាល់ទាត់អន្តរជាតិ

Cristiano Ronaldo អាច​នឹង​ឈ្នះ​ស្បែកជើង​មាស ប្រចាំ​លីគ​កំពូល​អារ៉ាប់ Saudi Pro League

Published

on

ទម្រង់​លេង​ដ៏​គួរ​ឲ្យ​ភ្ញាក់​ផ្អើល​របស់ Cristiano Ronaldo សម្រាប់​ក្លឹប Al-Nassr ក្នុង​លីគ​អារ៉ាប៊ីសាអ៊ូឌីត​កំពុង​តែ​បន្ត ខណៈ​ដែល​ការ​ប្រកួត​កាល​ពី​ម្សិលមិញ​នេះ​ទល់​នឹង Damac FC ខ្សែ​ប្រយុទ្ធ​សញ្ជាតិ​ព័រទុយហ្គាល់​រូប​នេះ​បាន​ស៊ុត​បញ្ចូលទី 3 គ្រាប់​ម្នាក់​ឯង ក្នុង​ការ​ប្រកួត​ក្របខណ្ឌ Saudi Pro League ដោយ​បញ្ចប់​ទៅ​ក្នុង​លទ្ធផល 3-0។

Cristiano Ronaldo បច្ចុប្បន្ន​មាន​គ្រាប់​បាល់​សរុប 8 គ្រាប់​ហើយ នៅ​ក្លឹប​ថ្មី Al-Nassr ដោយ​បាន​បង្ហាញ​​ខ្លួន ត្រឹមតែ 6 ប្រកួត​ប៉ុណ្ណោះ។ ចំនួន​គ្រាប់​បាល់​របស់​គាត់​ស្មើ​នឹង​ខ្សែ​ប្រយុទ្ធ​របស់​ក្លឹប Al-Hilal គឺ​កីឡាករ Odion Ighalo និង​ខ្សែ​ប្រយុទ្ធ Firas Al-Buraikan របស់​ក្លឹប Al-Fateh។

យ៉ាង​ណា​មិញ Alerson Talisca របស់​ក្លឹប Al-Nassr គឺ​ជា​កីឡាករ​ដែល​រក​បាន​គ្រាប់​បាល់​ច្រើន​ជាង​គេ ដោយ​មាន​ចំនួន 13 គ្រាប់ ខណៈ​ដែល Carlos Alberto របស់ Al-Shabab ស្ថិត​នៅ​ចំណាត់​ថ្នាក់​លេខ 2 មាន 12 គ្រាប់ និង Abderrazak Hamdallah ស្ថិត​នៅ​លំដាប់​ទី 3 មាន 11 គ្រាប់។ ដោយ​ឡែក Cristiano Ronaldo នៅ​តែ​មាន​ឱកាស​ក្នុង​ការ​ឈ្នះស្បែក​ជើង​មាស​ប្រចាំ Saudi Pro League ប្រសិន​បើ​ទម្រង់​ដ៏​ល្អ​របស់​គាត់​នៅ​តែ​បន្ត​រហូត​ដល់​ចប់​រដូវកាល។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២