បាល់ទាត់អន្តរជាតិ
Lionel Messi ឈ្នះពានជាកីឡាករល្អបំផុតប្រចាំឆ្នាំ 2022 របស់ FIFA
តារាឆ្នើម Lionel Messi របស់ក្លឹបយក្សបារាំង Paris Saint-Germain និងជាកាពីតែនក្រុមជម្រើសជាតិអាហ្សង់ទីន បានជាប់ឈ្មោះជាកីឡាករល្អបំផុតរបស់ FIFA សម្រាប់ឆ្នាំ 2022 ដែលទើបនឹងប្រកាសជាផ្លូវការណ៍កាលពីរំលងអាធ្រាតយប់មិញនេះ។
យើងបានដឹងហើយថា កីឡាករវ័យ 35 ឆ្នាំ Lionel Messi បានសម្រេចក្តីសុបិននៅក្នុងជីវិតបាល់ទាត់របស់គាត់ ក្នុងការឈ្នះពាន World Cup នៅឆ្នាំ 2022 ក្នុងប្រទេសកាតា។ មិនត្រឹមតែអាចសម្រេចក្ដីសុបិនដែលខ្លួនប៉ងចង់បានជាយូរណាស់មកហើយប៉ុណ្ណោះទេ ក្នុងអំឡុងពេលនោះ គាត់ក៏បានឈ្នះពានបាល់មាស ជាកីឡាករល្អបំផុតប្រចាំព្រឹត្តិការណ៍នោះផងដែរ។
Lionel Messi ដែលជាកាពីតែនក្រុមរបស់ក្រុមជម្រើសជាតិអាហ្សង់ទីន បានស៊ុតបញ្ចូលទី 7 គ្រាប់ និង Assists បាន 3 ដង នៅ World Cup 2022 និងថែមទាំងបានស៊ុតបញ្ចូលទី 2 គ្រាប់ ក្នុងវគ្គផ្តាច់ព្រ័ត្រទល់នឹងបារាំងផងដែរ។ ក្នុងឆ្នាំនោះដដែល គាត់ក៏បានលើកពាន Ligue 1 ជាមួយ PSG ក្នុងរដូវកាលឆ្នាំ 2021-2022 ទៀតផង។
គុណសម្បត្តិដ៏ច្រើនកន្លងមក បានធ្វើឲ្យខ្សែប្រយុទ្ធ Lionel Messi បានឈ្នះការបោះឆ្នោតលើមិត្តរួមក្រុម Kylian Mbappe និងខ្សែប្រយុទ្ធ Karim Benzema របស់ Real Madrid។ យ៉ាងណាមិញសម្រាប់កីឡាការិនី ដែលឈ្នះពានជាកីឡាករបាល់ទាត់ឆ្នើមភេទស្រីគឺ Alexia Putellas។
ប្រភព: Sportsmole
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
Barcelona ចង់លក់ខ្សែការពារឆ្នើមមួយរូប ដើម្បីជួយដល់សង្គ្រោះស្ថានភាពហិរញ្ញវត្ថុរបស់ក្លឹប