បាល់ទាត់អន្តរជាតិ
Juventus ត្រៀមចុះហត្ថលេខាលើ Marcel Sabitzer នៅចុងបញ្ចប់នៃរដូវកាលនេះ
ក្លឹបសេះបង្កង់ Juventus ត្រូវបានគេរាយការណ៍ថា បានកំណត់គោលដៅលើខ្សែបម្រើរបស់ក្លឹប Bayern Munich គឺកីឡាករ Marcel Sabitzer ដែលបច្ចុប្បន្នជាកីឡាករខ្ចីជើងនៅក្លឹបបិសាចក្រហម Manchester United ហើយការផ្ទេរអាចនឹងដំណើរការនៅរដូវក្តៅចុងបញ្ចប់នៃរដូវកាលនេះ។
ដោយត្រូវបានកាត់ចេញ 15 ពិន្ទុក្នុងក្របខ័ណ្ឌ Serie A កាលពីដើមឆ្នាំនេះ ក្លឹប Juventus បានព្យាយាមយ៉ាងលំបាកក្នុងឆ្នាំ 2023 ដើម្បីឡើងទៅកាន់តំបន់ក្បែរកំពូលតារាងវិញ។ ក្រុមរបស់លោក Massimiliano Allegri បានប្រកួតដោយទទួលបានជ័យជម្នះចំនួន 4 ជាប់ៗគ្នា ក្នុងក្របខ័ណ្ឌកំពូលរបស់អ៊ីតាលី និងនៅមានដំណើរផ្សេងព្រេងទៅកាន់វគ្គ 16 ក្រុមចុងក្រោយនៃពានរង្វាន់ Europa League ថែមទៀតផង។
បច្ចុប្បន្ន Juventus កំពុងស្ដារស្ថានភាពឲ្យប្រសើរឡើងវិញ ក្នុងការប្រជែងពាន Europa League និងមានកៅអីលេង UEFA Champions League នៅរដូវកាលបន្ទាប់។ ដូចគ្នានេះដែរ កីឡាករមួយចំនួននឹងត្រូវផុតកុងត្រា ជាពិសេសខ្សែបម្រើសំខាន់ Adrien Rabiot គឺជាកីឡាករម្នាក់ក្នុងចំណោមកីឡាករដែលអាចចាកចេញពីទឹកដីអ៊ីតាលីនៅមុនរដូវកាលឆ្នាំ 2023-2024។
យោងតាមគេហទំព័រ Calciomercatoweb បានឲ្យដឹងថា ក្លឹបសេះបង្កង់ Juventus មានការចាប់អារម្មណ៍យ៉ាងខ្លាំងទៅលើសមត្ថភាពរបស់ Marcel Sabitzer ហើយពួកគេនឹងស្វែងរកវិធីសាស្ត្រដើម្បីនាំយកគាត់ទៅទឹកអីអ៊ីតាលីនៅមុនរដូវកាលក្រោយចាប់ផ្ដើម។ ដូចគ្នានេះដែរ កីឡាករសញ្ជាតិអូទ្រីសរូបនេះ នឹងត្រឡប់មក Bayern Munich វិញ នៅពេលភារៈកិច្ចខ្ចីជើងនៅ Manchester United បញ្ចប់ទៅនៅប៉ន្មានខែខាងមុខ។
ប្រភព: Sportsmole
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
