បាល់ទាត់អន្តរជាតិ
Erik ten Hag ប្រាប់ហេតុផលដែលគាត់សម្រេចចិត្តចុះហត្ថលេខាផ្ទេរ Casemiro
ថ្មីៗនេះគ្រូបង្វឹករបស់ក្លឹបបិសាចក្រហម Manchester United លោក Erik ten Hag បានពន្យល់ពីហេតុផលនៅពីក្រោយការសម្រេចចិត្តរបស់ក្លឹប ក្នុងការចុះហត្ថលេខាលើខ្សែបម្រើកណ្ដាល Casemiro ដែលផ្ទេរពីក្លឹបអធិរាជស Real Madrid កាលពីរដូវក្តៅឆ្នាំមុន។
យ៉ាងណាមិញខ្សែបម្រើសញ្ជាតិប្រេស៊ីលរូបនេះបានចូលរួមជាមួយក្លឹបបិសាចក្រហមក្នុងតម្លៃ 70 លានផោន ដែលការផ្ទេរនោះបានធ្វើឡើងបន្ទាប់ពីពួកគេបានចាញ់ការប្រកួត 4-0 ទល់នឹង Brentford។ ចាប់តាំងពីបានផ្ទេរមកទឹកដីអង់គ្លេស Casemiro បានជួយក្លឹបយ៉ាងខ្លាំង ហើយពួកគេតែងតែទទួលបានជ័យជម្នះជាបន្តបន្ទាប់។
ភាពជាអ្នកដឹកនាំ បទពិសោធន៍ និងជំនាញរបស់ខ្សែបម្រើរូបនេះបានធ្វើឲ្យក្រុមរបស់លោក Erik ten Hag មានទម្រង់លេងដ៏លេចធ្លោរឡើងវិញ ហើយកាលពីប៉ុន្មានថ្ងៃមុនពួកគេទើបតែបានឈ្នះពាន Carabao Cup មួយផងដែរ។ ថ្លែងនាពេលថ្មីៗនេះតាមរយៈ ManUnitedZone គ្រូបង្វឹករបស់ក្លឹបបិសាចក្រហមបាននិយាយថា: “នៅពេលដែលយើងបានពិភាក្សាត្រៀមនាំយកកីឡាករចំណូលថ្មីកាលពីរដូវក្តៅឆ្នាំមុន យើងស្វែងរកកីឡាករដែលមានចរិត និងបុគ្គលិកលក្ខណៈជាអ្នកដឹកនាំ។ កីឡាករជាច្រើននៅលើពិភពលោកនេះ មានជំនាញបច្ចេកទេសដ៏អស្ចារ្យ រឺអាចរត់បានលឿន ប៉ុន្តែយើងកំពុងស្វែងរកកីឡាករដែលមានភាពរឹងមាំ និងមានទទួលខុសត្រូវខ្ពស់។ Casemiro គឺជាប្រភេទបែបនេះ ហើយគាត់សំខាន់សម្រាប់ក្រុមយើង…”។
ប្រភព: Sportskeeda
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
