បាល់ទាត់អន្តរជាតិ
Chelsea នឹងចរចាផ្ទេរខ្សែប្រយុទ្ធស្លាបមួយរូបរបស់ក្លឹប Napoli នៅចុងបញ្ចប់នៃរដូវកាលនេះ
ខ្សែប្រយុទ្ធស្លាបរបស់ក្លឹប Napoli គឺកីឡាករ Hirving Lozano ត្រូវបានគេរាយការណ៍ថា កំពុងក្លាយជាគោលដៅផ្ទេរដ៏សំខាន់មួយសម្រាប់ក្លឹបតោខៀវ Chelsea នៅរដូវក្ដៅខាងមុខនេះ។
យ៉ាងណាមិញកន្លងមកក្លឹបយក្សនៅ Premier League មួយនេះ បានចំណាយលើសពី 600 លានផោនទៅហើយក្នុងការនាំយកកីឡាករចំណូលថ្មីកាលពីខែមករាដើមឆ្នាំ 2023។ ទោះបីជាពួកគេបានព្យាយាមផ្ទេរកីឡាករឆ្នើមៗ ដែលពោរពេញដោយទេពកោសល្យក៏ដោយ ក៏ទម្រង់លេងរបស់ក្លឹបតោខៀវ Chelsea មិនលេចធ្លោរដែរ។
ដោយឡែក នៅចុងបញ្ចប់នៃរដូវកាលនេះកីឡាករមួយចំនួនដូចជា Christian Pulisic និង Hakim Ziyech ជាដើម អាចនឹងចាកចេញពី Stamford Bridge ហើយការចាកចេញនេះអាចនឹងធ្វើឲ្យពួកគេ ស្វែងរកឱកាសនៃការចុះហត្ថលេខាលើកីឡាករចំណូលថ្មីយ៉ាងហោចណាស់ម្នាក់នៅរដូវក្ដៅខាងមុខ។
យោងតាមអ្នកកាសែត Raffaele Auriemma បានឲ្យដឹងថា Chelsea កំពុងពេញចិត្តនឹងសមត្ថភាពលេងរបស់កីឡាករសញ្ជាតិម៉ិកស៊ិកូ Hirving Lozano ជាខ្លាំង ហើយពួកគេត្រៀមនឹងចរចាផ្ទេរគាត់ពីទឹកដីអ៊ីតាលីនៅពេលឆាប់ៗខាងមុខនេះ។ ដូចគ្នានេះដែរ Napoli ត្រូវបានគេគិតថា នឹងសម្រេចចិត្តលក់គាត់ចេញប្រសិនបើមានការដេញថ្លៃដ៏សមរម្យមួយ បើទោះបីជាកុងត្រាគាត់នៅមានសុពលភាពរហូតដល់ឆ្នាំ 2024 ក៏ដោយ។
ប្រភព: Sportsmole
រឿងពិតទាំង 8 កីឡាករល្បីទាំង 2 របស់បាសេឡូណា
សង្ខេបព្រឹត្តិការណ៍សំខាន់ៗនៃការប្រកួត Madrid Derby
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
