U23 ឥណ្ឌូណេស៊ី ចាប់​ផ្តើម​ហ្វឹកហាត់​នៅ​កូរ៉េខាងត្បូង ត្រៀម​ប្រកួត​ស៊ីហ្គេម​នៅ​វៀតណាម

ក្រុម​ជម្រើស​ជាតិ U23 ឥណ្ឌូណេស៊ី ចាប់ផ្តើម​បោះជំរុំ​ហ្វឹកហាត់​របស់​ខ្លួន នៅ​ក្នុង​ប្រទេស​កូរ៉េខាងត្បូង ចាប់ពីថ្ងៃទី 16 ដល់ 29 ខែ​មេសា ដើម្បី​ត្រៀម​ប្រកួត​កីឡា​ស៊ីហ្គេម​លើកទី31 ដែល​នឹង​ធ្វើ​ឡើង​នៅ​ទីក្រុង ហាណូយ នៃ​ប្រទេស​វៀតណាម។

ក្រោម​ការ​ដឹកនាំ​របស់​លោក Shin Tae Yong ក្រុម​ជម្រើស​ជាតិ U23 ឥណ្ឌូនេស៊ី នឹង​ធ្វើ​ការ​ប្រកួត​មិត្តភាព​ជា​មួយ​ក្រុម​ដែល​ស្ថិត​នៅ​លីគ​កំពូល​កូរ៉េខាងត្បូង ​ចំនួន 2 ប្រកួត​ ដែល​ក្នុង​នោះ​មាន​ដូចជា៖

– (ថ្ងៃ​ទី 23/ខែមេសា) U23 ឥណ្ឌូនេស៊ី vs ក្លឹប Pohang Steelers
– (ថ្ងៃទី 27/ខែមេសា) U23 ឥណ្ឌូនេស៊ី vs ក្លឹប Daejeon Hana Citizen

ដោយ​ឡែក​កីឡាករ 6 នាក់ ដែល​​កំពុង​ប្រកប​អាជីព​នៅ​ក្រៅ​ស្រុក មិន​បាន​ចូល​រួម​វគ្គ​ហ្វឹកហាត់​នេះ​ទេ ក្នុង​នោះ​រួមមាន Asnawi Mangkualam (Ansan Greeners FC), Elkan Baggott (Ipswich Town), Egy Maulana Vikri (FK Senica), Pratama Arhan (Tokyo Verdy), Saddil Ramdani (Sabah FC) និង Witan Sulaeman (FK Senica)។

គួរ​ដឹង​ផង​ដែរ​ថា ការ​ប្រារព្ធ​កម្មវិធី​​ស៊ីហ្គេម​ លើក​ទី31​ នឹង​ធ្វើ​ឡើង​នៅ​ឆ្នាំ​នេះ​ គឺ​ថ្ងៃ​ទី12​ ដល់​ថ្ងៃទី 23​ ខែ​ឧសភា​។​

ប្រភព: ASEAN FOOTBALL