Connect with us

បាល់ទាត់អន្តរជាតិ

Barcelona និង​ក្លឹប​ធំៗ​ជា​ច្រើន​កំពុង​ចាប់​ចិត្ត​លើ​កីឡាករ​វ័យ 18 ឆ្នាំ​មួយ​រូប​នៅ​ក្នុង​ប្រទេស​ប្រស៊ីល

Published

on

ក្លឹប​ធំៗ​ចំនួន 4 ដែល​មាន Barcelona, Manchester United, Arsenal និង Chelsea ត្រូវ​បាន​គេ​រាយការណ៍​ថា កំពុង​ចាប់​អារម្មណ៍​ក្នុង​ការ​ចុះ​ហត្ថលេខា​លើ​ខ្សែប្រយុទ្ធ Vitor Roque របស់​ក្លឹប Athletico Paranaense ដែល​ស្ថិត​នៅ​លីគ​កំពូល​នៃ​ប្រទេស​ប្រេស៊ីល។

កីឡាករ​វ័យ 18 ឆ្នាំ​រូបនេះ​ស៊ុត​បញ្ចូលទី​បាន 6 គ្រាប់ និង Assist មួយ​គ្រាប់​ក្នុង​ការ​បង្ហាញ​ខ្លួន 16 ប្រកួត​សម្រាប់ក្លឹប Cruzeiro មុន​ពេល​ដែល​គាត់​បាន​បញ្ចប់​ការ​ផ្ទេរ​ទៅ​កាន់​ក្លឹប Athletico Paranaense ក្នុង​ខែ​មេសា ឆ្នាំ 2022។

ជាមួយ​នឹង​ទេព​កោសល្យ​ដ៏​អស្ចារ្យ​នេះ គាត់​ទទួល​បាន​ការ​ចាប់​អារម្មណ៍ពី​ក្លឹបជា​ច្រើននៅ​តំបន់​អឺរ៉ុប។ យោងតាម​របាយការណ៍​ពី 90min បាន​អះអាង​ថា Barcelona, Manchester United, Arsenal និង Chelsea សុទ្ធ​តែ​ជា​ក្លឹប​ដែល​កំពុង​ពិចារណា​លើ​ការ​ផ្ទេរ​កីឡាករ​សញ្ជាតិ​ប្រេស៊ីល​រូប​នេះ។ របាយការណ៍​ដដែល​នេះ​បាន​​អះអាង​ថា Barcelona បច្ចុប្បន្ន​កំពុង​មាន​ភាគរយ​ខ្ពស់​ជាង​ក្លឹប​ផ្សេងៗ​ក្នុង​ការ​ទទួល​បាន ​Vitor Roque ព្រោះ​ពួក​គេ​ជា​ក្រុម​កំពូល​តារាង​នៅ La Liga។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២