Eder Militao ប្រាប់​ឈ្មោះ​ខ្សែ​ប្រយុទ្ធ 2 រូប​របស់ Liverpool ដែល​ក្រុម​ខ្លួន​ត្រូវ​ប្រយ័ត្ន

ខ្សែការពារ Eder Militao បាន​រំលឹក​ដល់​មិត្ត​រួម​ក្រុម Real Madrid របស់​គាត់​ថា ត្រូវ​តែ​ប្រយ័ត្ន​ចំពោះ​ខ្សែ​ប្រយុទ្ធ​ពីរ​រូប របស់​​គូ​ប្រជែង Liverpool ក្នុង​ការ​ប្រកួត​ជើង​ទី 2 នៃ​ក្របខណ្ឌ UEFA Champions League វគ្គ 16 ក្រុម​ចុងក្រោយ ដែល​ធ្វើ​ឡើង​នៅ Santiago Bernabeu ថ្ងៃ​ទី 16 សប្ដាហ៍​នេះ។

យ៉ាង​ណា​មិញ Real Madrid បាន​យក​ឈ្នះ​ក្នុង​លទ្ធផល 5-2 នៅ​កីឡដ្ឋាន Anfield ដែល​ជា​ទឹកដី​របស់​ Liverpool កាល​ពី​ប្រកួត​ជើង​ទី 1។ ដូច្នេះ​ប្រសិន​បើ Liverpool ចង់​ឡើង​ទៅ​វគ្គ​បន្ត គឺ​ត្រូវ​យក​ឈ្នះ Real Madrid ឲ្យ​ឈ្នះ​គ្រាប់​បាល់ 4 គ្រាប់។ យ៉ាង​ណា ការ​យក​ឈ្នះក្លឹប​យក្ស​នៅ​អេស្ប៉ាញ​ក្នុង​ទឹកដី​របស់​ពួក​គេ គឺ​ជា​រឿង​ដែល​ពិបាក​បំផុត​សម្រាប់​ក្រុម​របស់​លោក Jurgen Klopp។

ទោះ​ជា​យ៉ាង​ណា​ក៏​ដោយ ខ្សែការពារ​សញ្ជាតិ​ប្រេស៊ីល Eder Militao ចង់​រំលឹក​​ដល់​ក្រុម​ខ្លួន មិន​ឲ្យ​មើល​ស្រាល​លើ​គូ​ប្រកួត​របស់​ខ្លួន​ឡើយ ជា​ពិសេសេ​​កីឡាករ​ដែល​មាន​គ្រោះថ្នាក់ 2 រូប​គឺ Mohamed Salah និង Roberto Firmino។

ខ្សែការពារ​រូប​នេះ​បាន​និយាយ​ថា៖ “Liverpool ជា​ក្រុម​ដ៏​អស្ចារ្យ ហើយ​ឥឡូវ​នេះ​យើង​មិន​ចង់​ឲ្យ​លទ្ធផល​មិន​នឹក​ស្មាន​ដល់ កើត​ឡើង​ក្នុង​ទឹកដី​របស់​យើង​ទេ។ Mohamed Salah កំពុង​លេង​បាន​យ៉ាង​ល្អ​នៅ​តំបន់​ប្រយុទ្ធ។ គាត់​តែងតែ​ជា​កីឡាករ​ដែល​គ្រោះ​ថ្នាក់ សម្រាប់​ពួក​យើង។ គាត់​មាន​កម្លាំង​ចិត្ត​ខ្លាំង ហើយ Roberto Firmino ក៏​កំពុង​តែ​វិល​មក​រក​ទម្រង់​លេង​ដ៏​អស្ចារ្យ​ផង​ដែរ។ ដូច្នេះ​ដ៏រាប​ណា ការ​​ប្រកួត​នេះ​មិន​ទាន់​បញ្ចប់ គ្រប់​យ៉ាង​មិន​ទាន់​បាន​សម្រេច​ឡើយ”។

ប្រភព: 90 Min