Connect with us

បាល់ទាត់អន្តរជាតិ

Inter Milan ឡើង​ទៅ​កាន់​វគ្គ 8 ចុង​ក្រោយ UCL ជា​លើក​ដំបូង បន្ទាប់​ពី​ខកខាន​អស់​រយៈពេល​ជាង​មួយ​ទស្សវត្សរ៍

Published

on

ក្លឹប​យក្ស​អ៊ីតាលី Inter Milan បាន​ឡើង​ទៅ​វគ្គ 8 ក្រុម​ចុង​ក្រោយ​នៃ​ក្របខណ្ឌ UEFA Champions League ជា​លើក​ដំបូង​ក្នុង​រយៈពេល​ជាង​មួយ​ទស្សវត្សរ៍ (ជាង 10 ឆ្នាំ) ដែល​ពួក​គេ​​បាន​ខកខាន។ ក្លឹប Inter Milan បាន​ឡើង​ទៅ​កាន់​វគ្គ​បន្ទាប់ ក្រោយ​ពី​បាន​យក​ឈ្នះ Porto 1-0 កាល​ពី​ជើង​ទី​មួយ និង​ទប់​យក​ស្មើ​ក្នុង​លទ្ធផល​ស្មើ ០-០ នៅ​ប្រកួត​ជើង​ទី​ពីរ កាល​ពី​រំលង​អាធ្រាត​យប់​មិញ​នេះ។

ដំបូង​ឡើយ Porto ជា​ក្លឹប​ដែល​គេ​សង្ឃឹម​ថា នឹង​ទម្លាក់ Inter Milan ខណៈ​ដែល​ពួកគេ​ជា​ក្រុម​ខ្លាំង​ក្នុង​ដី​របស់​ខ្លួន និង​ធ្លាប់​បាន​ឈ្នះ​ការ​ប្រកួត​ក្នុង​ចំនួន 4 លើក​ចុងក្រោយ​របស់​ពួកគេ​ជាមួយ​នឹង​ក្រុម​មក​ពី​អ៊ីតាលី ក៏​ដូចជា​មិន​ដែល​ចាញ់ Inter Milan ឡើយ នៅ​ក្នុង​ការ​ប្រកួត​ក្របខ័ណ្ឌ UEFA Champions League វគ្គ​នេះផង​ដែរ។

ទោះ​ជា​យ៉ាង​ណា​ក៏​ដោយ Porto បាន​ចាញ់ និង​ធ្លាក់​ចេញ​ពី UCL ស្រប​ពេល​ដែល​ក្នុង​ប្រកួត​នោះ​ពួក​គេ​បាន​បាត់​បង់​ខ្សែការពារ​សំខាន់ Pepe និង​ខ្សែ​បម្រើ​ប្រយុទ្ធ Otavio ដោយ​សារ​បញ្ហា​របួស។ អំឡុង​ពេល​ដែល​ក្រុម​ម្ចាស់​ផ្ទះ បាន​បាត់​បង់​កម្លាំង​សំខាន់​នោះ Inter Milan កាន់​តែ​មាន​ទម្រង់​លេង​ល្អ និង​មិន​ឲ្យ​គូ​ប្រកួត​របស់​ខ្លួន​ធ្វើ​អ្វីៗ​បាន​តាម​តែ​ចិត្ត​នោះ​ឡើយ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២