Manchester City លុត Burnley 6-0 ខណៈ​ដែល Haaland ស៊ុត 3 គ្រាប់​ម្នាក់​ឯង (មានវីដេអូ)

លេខ 6 ត្រូវ​បាន​គេ​ចាត់ទុក​ថា ជា​លេខ​វេទមន្ត​នៅ Etihad ហើយ​ក្លឹប Manchester City បាន​លុត​ក្រុម​ភ្ញៀវ Burnley ក្នុង​លទ្ធផល 6-0 ដើម្បី​ឡើង​ទៅ​កាន់​វគ្គ​ពាក់​កណ្តាល​ផ្តាច់ព្រ័ត្រ​នៃ​ពាន​រង្វាន់ FA Cup ខណៈ​ដែល​ខ្សែ​ប្រយុទ្ធ​ឆ្នើម Erling Haaland បាន​ស៊ុត​បញ្ចូល​ទី Hat-Trick នៅ​ក្នុង​ការ​ប្រកួត​នោះ​ទៀត​ផង។

ក្រៅ​ពី Erling Haaland ដែល​បាន​ស៊ុត​បញ្ចូល​ទី 3 គ្រាប់​ម្នាក់​ឯង​នោះ មិត្ត​រួម​ក្រុម​របស់​គាត់ Julian Alvarez ក៏​ស៊ុត​បញ្ចូលទី​បាន 2 គ្រាប់ និង Cole Palmer រក​បាន 1 គ្រាប់​ផង​ដែរ។ បច្ចុប្បន្ន Erling Haaland គឺ​ជា​ខ្សែ​ប្រយុទ្ធ​ដ៏​លេចធ្លោរ​បំផុត ហើយ​គាត់​ជា​កីឡាករ​ដែល​រក​បាន​គ្រាប់​បាល់​ច្រើន​ជាង​គេ​នៅ Premier League (28 គ្រាប់)។

ការ​ប្រកួត​បន្ទាប់​របស់ Manchester City គឺ​ជា​ការ​ប្រកួត​ក្នុង​ក្របខណ្ឌ Premier League ដែល​ត្រូវ​ធ្វើ​ដំណើរ​ទៅ​កាន់​ទឹកដី​នៃ​ក្លឹប​ហង្សក្រហម Liverpool នៅ​ថ្ងៃទី 1 ខែ​មេសា។

ទស្សនា​វីដេអូ​ហាយឡាយ​ការ​ប្រកួត​ខាង​ក្រោម៖

ប្រភព: Sportsmole