ក្លឹប​ធំៗ​ជា​ច្រើន​រួម​ទាំង Real Madrid ផង​ដែរ កំពុង​ចាប់​អារម្មណ៍​លើ Kaoru Mitoma

ក្លឹប​កាំភ្លើងធំ Arsenal, Manchester City, Real Madrid និង Bayern Munich ត្រូវ​បាន​គេ​រាយការណ៍​ថា កំពុង​មាន​ចំណាប់​អារម្មណ៍ ចង់​ចុះ​ហត្ថលេខា​លើ​ខ្សែប្រយុទ្ធ​ស្លាប​របស់​ក្លឹប Brighton គឺ​កីឡាករ Kaoru Mitoma។

យ៉ាង​ណាមមិញ​កីឡាករ​វ័យ 25 ឆ្នាំ​រូបនេះ បាន​បង្ហាញ​ភាព​លេច​ធ្លោរ​យ៉ាង​ខ្លាំង ក្រោម​ការ​ដឹក​នាំរ​បស់​លោក Roberto De Zerbi នៅ​រដូវកាល​នេះ។ Kaoru Mitoma បាន​ក្លាយ​ជា​សមាជិក​ដ៏​សំខាន់​របស់​ចាប​ស Brighton ដែល​កំពុង​ឈរ​ក្នុង​ចំណាត់​ថ្នាក់​លេខ 7 នៅ​ក្នុង​តារាង Premier League។

ខ្សែ​ប្រយុទ្ធ Kaoru Mitoma បាន​ចូលរួម​ជាមួយ Brighton ដោយ​ផ្ទេរ​ពី​ក្លឹប​ជប៉ុន Kawasaki Frontale ក្នុង​តម្លៃ​តិច​ជាង 2 លានផោន កាល​ពី​ខែ​សីហា ឆ្នាំ 2021 ប៉ុន្តែ​ដំបូង​ឡើយ​គាត់​ត្រូវ​បាន​ដាក់​ឲ្យ​ខ្ចីជើង​ទៅ​ក្លឹប​នៃ​ប្រទេស​បែលហ្ស៊ិក Union SG។ បន្ទាប់​ពី​បាន​ស៊ុតបញ្ចូលទី​បាន 8 គ្រាប់ និង​បញ្ជូនបាល់​ឲ្យ​មិត្ត​រួម​ក្រុម​ចំនួន 4 ដង ក្នុង​ការ​បង្ហាញ​ខ្លួន 29 ប្រកួត Brighton ក៏​បាន​នាំ​យក​គាត់​ត្រឡប់​មក​វិញ និង​ឲ្យ​លេង​ជាមួយ​ក្រុម​ឈុត​ធំ​ជា​ផ្លូវការណ៍​នៅ​រដូវកាល​នេះ។

ទោះ​បី​ជា Kaoru Mitoma នៅ​មាន​កុងត្រា​ជាមួយ Brighton រហូត​ដល់​ឆ្នាំ 2025 ក៏​ដោយ យោងតាម​របាយការណ៍​ចុង​ក្រោយ​មួយ​ដែល​បាន​ចុះ​ផ្សាយ​ដោយ Sports Mole បាន​អះអាង​ថា ក្លឹប​ធំៗ​ជា​ច្រើន​កំពុង​ចាប់​អារម្មណ៍​លើ​សមត្ថភាព​របស់​ខ្សែ​ប្រយុទ្ធ​សញ្ជាតិ​ជប៉ុន​រូប​នេះ ដែល​ក្លឹប​ទាំង​នោះ​មាន​ដូច​ជា Arsenal, Manchester City, Real Madrid និង Bayern Munich។ ពួក​គេ​នឹង​ពិចារណា​ដាក់​សំណើរ​ផ្ទេរ​កីឡាករ​ឆ្នើម​រូប​នេះ​នៅ​ចុង​បញ្ចប់​នៃ​រដូវកាល។

ប្រភព: Sportsmole