បាល់ទាត់អន្តរជាតិ
Aston Villa ចាប់អារម្មណ៍ផ្ទេរខ្សែប្រយុទ្ធ Romelu Lukaku
ក្លឹប Aston Villa ត្រូវបានគេលើកឡើងថា បានកំណត់គោលដៅលើខ្សែប្រយុទ្ធរបស់ក្លឹបតោខៀវ Chelsea គឺកីឡាករ Romelu Lukaku ដែលការផ្ទេរអាចនឹងកើតឡើងនៅចុងបញ្ចប់នៃរដូវកាលនេះ។ បច្ចុប្បន្នខ្សែប្រយុទ្ធសញ្ជាតិបែលហ្ស៊ិករូបនេះកំពុងខ្ចីជើងនៅ Inter Milan ប៉ុន្តែក្លឹបយក្សនៅអ៊ីតាលីមួយនេះ មិនមានគម្រោងទិញផ្ដាច់កុងត្រារបស់គាត់ឡើយ ហើយ Romelu Lukaku នឹងត្រូវត្រឡប់មកអង់គ្លេសវិញ នៅពេលចប់ភារកិច្ចខ្ចីជើង។
យ៉ាងណាមិញ Romelu Lukaku ជាកីឡាករដែលតោខៀវ Chelsea ចុះហត្ថលេខាមក Stamford Bridge ជាមួយនឹងទឹកប្រាក់ដ៏ច្រើនសន្ធឹកសន្ធាប់រហូតដល់ 97.5 លានផោន។ ផ្ទុយមកវិញ ទម្រង់លេងរបស់គាត់មិនសមប្រកបតាមការចង់បានរបស់ក្លឹបឡើយ និងត្រូវបាន Chelsea អនុញ្ញាតឲ្យខ្ចីជើងត្រឡប់ទៅ Inter Milan វិញ រហូតដល់ចុងបញ្ចប់នៃរដូវកាលឆ្នាំ 2022-2023។
ជាមួយគ្នានេះដែរ កីឡាករវ័យ 29 ឆ្នាំ Romelu Lukaku នៅតែមានទម្រង់លេងមិនសូវល្អដដែលនៅ San Siro ហើយត្រូវបានក្លឹប Inter Milan សម្រេចចិត្តឲ្យគាត់មក Chelsea វិញនៅចុងបញ្ចប់នៃរដូវកាលនេះ។
យោងតាមរបាយការណ៍ពី TodoFichajes បានឲ្យដឹងថា ក្លឹប Aston Villa កំពុងតាមដានពីស្ថានភាពរបស់ Lukaku ហើយបានត្រៀមទាក់ទងទៅកាន់តោខៀវ Chelsea ជុំវិញការផ្ទេរដែលនឹងដំណើរការនៅចុងរដូវកាល។ ក្លឹបតោខៀវ ត្រូវបានគេដឹងថា មិនមានគម្រោងក្នុងការប្រើប្រាស់ ខ្សែប្រយុទ្ធរូបនេះឡើយ ប្រសិនបើមានក្លឹបណាមួយចរចាចង់បានរូបគេក្នុងតម្លៃដែលអាចទទួលយកបាន នោះគេនឹងលក់គាត់ចេញតែម្ដង។
ប្រភព: Sportskeeda
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
