Connect with us

បាល់ទាត់អន្តរជាតិ

លោក Thomas Tuchel បារម្ភពី​របួស​របស់ Kovacic ដែល​អាច​នឹង​ធ្ងន់ធ្ងរ​ខ្លាំង

Published

on

គ្រូបង្វឹក​ក្រុម​តោខៀវ Chelsea លោក Thomas Tuchel បាន​និយាយ​ពី​របួស​ដ៏​គួរ​ឲ្យ​ព្រួយ​បារម្ភ​របស់​កីឡាករ Mateo Kovacic បន្ទាប់​ពី​ខ្សែបម្រើ​រូបនេះ​ ត្រូវ​បាន​ប្ដូរ​ចេញ​កាល​ពី​ការ​ប្រកួត​វគ្គ​ពាក់កណ្តាល​ផ្តាច់ព្រ័ត្រ FA Cup របស់​ពួកគេ ជាមួយ​នឹង​ក្រុម Crystal Palace កាល​ពី​ថ្ងៃអាទិត្យ​កន្លង​ទៅ។

ក្រុម​របស់​លោក Tuchel បាន​ឡើង​ទៅ​កាន់​វគ្គផ្តាច់ព្រ័ត្រ​នៃ​ពាន FA Cup ខណៈ​ដែល​ពួកគេ​បាន​យក​ឈ្នះលើ​លើ Crystal Palace ក្នុង​លទ្ធផល 2 ទល់នឹង 0 ក្នុង​ការ​ប្រកួត​ដ៏​ស្វិតស្វាញ​នៅ​ឯ​កីឡដ្ឋាន Wembley ដោយ​គ្រាប់​បាល់​ទាំង​ពីរ​គ្រាប់​រកបាន​ដោយ​កីឡាករ Ruben Loftus-Cheek និង Mason Mount នៅតង់ទីពីរ។

ទោះបី​ជា​យ៉ាងណា​ក៏ដោយ ក្លឹប​តោខៀវ​ Chelsea កំពុង​មាន​ការ​បារម្ភ​ពី​របួស​របស់ Kovacic ដោយ​ក្នុង​ការ​ប្រកួត​នោះ គាត់​លេង​បាន​ត្រឹម​តែ​ជាង​ម្ភៃ​នាទី​ប៉ុណ្ណោះ ហើយ​ត្រូវ​បង្ខំ​ចិត្ត​ឲ្យ​ប្ដូរ​ចេញនៅ​នាទីទី 26 ដោយ​សារ​បញ្ហា​របួស​ក​ជើង។ កីឡាករ​សញ្ជាតិ​ក្រូអាត​រូបនេះ​បាន​រអិលជើង ហើយ​ហាក់​ដូចជា​បត់​ក​ជើង​របស់​គាត់។

បន្ទាប់​​​ពី​ការ​ប្រកួត លោក Thomas Tuchel បាន​​បង្ហាញ​​ថា ​កជើង​របស់ Kovacic ​ហើម ដែល​វា​ជាសញ្ញាបង្ហាញ​ថាមិន​ល្អ​ឡើយ អាច​នឹង​ធ្ងន់ធ្ងរ​ខ្លាំង។ យ៉ាង​ណា​មិញ មិន​ទាន់​មាន​ការ​អាប់ដេត​ច្បាស់​ការណ៍​ណា​មួយ​អំពី​របួស​ធ្ងន់ធ្ងរ រឺ​បែប​ណា ចេញ​ពី​ផ្នែក​វេជ្ជសាស្ត្រ​នោះ​ឡើយ។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២