បាល់ទាត់អន្តរជាតិ
Alvaro Morata ត្រៀមតែងតាំងជាកាពីតែនក្រុមថ្មីរបស់អេស្ប៉ាញ ខណៈដែលអ្នកគាំទ្រមួយចំនួនសម្ដែងការមិនពេញចិត្ត
យោងតាម Diario AS បានឲ្យដឹងថា ខ្សែប្រយុទ្ធកណ្ដាល Alvaro Morata គ្រោងនឹងឡើងកាន់កាប់តំណែងជាកាពីតែនក្រុមជម្រើសជាតិអេស្ប៉ាញបន្តពី Sergio Busquets ដែលបានចូលនិវត្តន៍កាលពីចុងឆ្នាំមុន។ ដូចគ្នានេះដែរ ខ្សែការពារជើងចាស់ Dani Carvajal នឹងក្លាយជាអនុប្រធានក្រុម។
ការសម្រេចចិត្តនេះ គឺជាការសម្រេចចិត្តរបស់គ្រូបង្វឹកបច្ចុប្បន្ន Luis de la Fuente។ ដោយឡែក Jordi Alba ដែលជាអនុប្រធានក្រុម គួរតែត្រូវបានឡើងកាន់តំណែងនេះបន្ត ប៉ុន្តែដោយសារគាត់មិនបានជាប់ឈ្មោះក្នុងក្រុមជម្រើសជាតិ ដូច្នេះទាំងតំណែងប្រធាន និងអនុប្រធាន ត្រូវជ្រើសរើសបេក្ខភាពថ្មី។
ទោះជាយ៉ាងណាក៏ដោយ ពាក់ព័ន្ធលើរឿងនេះអ្នកគាំទ្រមួយចំនួនបានបង្ហាញពីការរិះគន់របស់ខ្លួននៅលើបណ្ដាញសង្គម Twitter ថា ថ្វីត្បិតតែ Alvaro Morata មានអាយុ 30 ឆ្នាំ ដែលជាកីឡាករវ័យចំណាស់ម្នាក់ក្នុងចំណោមកីឡាករដែលមានបទពិសោធន៍ច្រើនជាងកីឡាករក្មេងៗផ្សេងទៀត ប៉ុន្តែខ្សែប្រយុទ្ធរូបនេះមិនមានភាពជាអ្នកដឹកនាំ និងគ្មានសាមគ្គីភាពនៅក្នុងខ្លួនឡើយ។
អ្នកគាំទ្រម្នាក់ក្នុងចំណោមនោះបានចោទសួរថា តើពេលនេះ Alvaro Morata គឺជាកីឡាករល្អបំផុតរបស់អេស្ប៉ាញមែនទេ ទើបគាត់ក្លាយជាប្រធានក្រុម? តើពិភពលោកនេះផ្លាស់ប្ដូរអស់ហើយរឺ?…។ អ្នកខ្លះទៀតបានលើកឡើងថា ប្រធានក្រុមរបស់អេស្ប៉ាញ កាន់តែយ៉ាប់ទៅៗហើយ ចាប់តាំងពីការចាកចេញរបស់ Sergio Ramos មក។
ប្រភព: Sportskeeda
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
